Shree Vishnu Aarti
Om Jai Jagadish Hare, Swami Jai Jagadish Hare
Bhakt Jano Ke Sankat , Daas Jano Ke Sankat, Kshan Me Door kare ।
। Om Jai Jagadish Hare ..।
Jo Dhyaave Phal Paave, Dukh Vinase Manaka, Swami Dukh Vinase Manaka ।
Sukh Sampati Ghar Aave, Kasht Mite Tan Ka ।
। Om Jai Jagadish Hare ..।
Maat Pita Tum Mere, Sharan Gahoon Main Kisaki, Swami Sharan Gahoon Main Kisaki ।
Tum Bin Aur Na Dooja, Aas Karoon Main Jisaki ।
। Om Jai Jagadish Hare ..।
Tum Pooran Paramaatma, Tum Antarayaami, Swami Tum Antarayaami
Paarabrahm Parameshwar, Tum Sabake Swami ।
। Om Jai Jagadish Hare ..।
Tum Karuna Ke Sagar, Tum Palan Karta, Swami Tum Palan Karta ।
Main Moorakh Khal Kaami, Kripa Karo Bharta ।
। Om Jai Jagadish Hare ..।
Tum Ho Ek Agochar, Sabke Pranapati, Swami Sabke Pranapati, Swami,
Kis Vidhi Miloon Dayamay, Tumko Main Kumati।
। Om Jai Jagadish Hare ..।
Deen Bandhu, Dukh Harta, Thakur Tum Mere, Swami Thakur Tum Mere ।
Apane Haath Uthao, Dwar Pada Main Tere ।
। Om Jai Jagadish Hare ..।
Vishay Vikar Mitao , Paap Haro Deva, Swami Paap Haro Deva ।
Shraddha Bhakti Badhao , Santan Ki Seva।
। Om Jai Jagadish Hare ..।
Shree Jagadish Jee Ki Aarati, Jo Koi Nar Gaave, Swami Jo Koi Nar Gaave ।
Kahat Shivaanand Swami, Sukh Sampatti Paave ।
। Om Jai Jagadish Hare ..।
