सिर नवाइ बगलामुखी, लिखूँ चालीसा आज। कृपा करहु मोपर सदा, पूरन हो मम काज॥
जय जय जय श्री बगला माता। आदिशक्ति सब जग की त्राता॥
jaya jaya jaya śrī bagalā mātā| ādiśakti saba jaga kī trātā||
बगला सम तब आनन माता। एहि ते भयउ नाम विख्याता॥
bagalā sama taba ānana mātā| ehi te bhayau nāma vikhyātā||
शशि ललाट कुण्डल छवि न्यारी। अस्तुति करहिं देव नर-नारी॥
śaśi lalāṭa kuṇḍala chavi nyārī| astuti karahiṁ deva nara-nārī||
पीतवसन तन पर तव राजै। हाथहिं मुद्गर गदा विराजै॥
pītavasana tana para tava rājai| hāthahiṁ mudgara gadā virājai||
तीन नयन गल चम्पक माला। अमित तेज प्रकटत है भाला॥
tīna nayana gala campaka mālā| amita teja prakaṭata hai bhālā||
रत्न-जटित सिंहासन सोहै। शोभा निरखि सकल जन मोहै॥
ratna-jaṭita siṁhāsana sohai| śobhā nirakhi sakala jana mohai||
आसन पीतवर्ण महारानी। भक्तन की तुम हो वरदानी॥
āsana pītavarṇa mahārānī| bhaktana kī tuma ho varadānī||
पीताभूषण पीतहिं चन्दन। सुर नर नाग करत सब वन्दन॥
pītābhūṣaṇa pītahiṁ candana| sura nara nāga karata saba vandana||
एहि विधि ध्यान हृदय में राखै। वेद पुराण सन्त अस भाखै॥
ehi vidhi dhyāna hṛdaya meṁ rākhai| veda purāṇa santa asa bhākhai||
अब पूजा विधि करौं प्रकाशा। जाके किये होत दुख-नाशा॥
aba pūjā vidhi karauṁ prakāśā| jāke kiye hota dukha-nāśā||
प्रथमहिं पीत ध्वजा फहरावै। पीतवसन देवी पहिरावै॥
prathamahiṁ pīta dhvajā phaharāvai| pītavasana devī pahirāvai||
कुंकुम अक्षत मोदक बेसन। अबिर गुलाल सुपारी चन्दन॥
kuṁkuma akṣata modaka besana| abira gulāla supārī candana||
माल्य हरिद्रा अरु फल पाना। सबहिं चढ़इ धरै उर ध्याना॥
mālya haridrā aru phala pānā| sabahiṁ caṛhai dharai ura dhyānā||
धूप दीप कर्पूर की बाती। प्रेम-सहित तब करै आरती॥
dhūpa dīpa karpūra kī bātī| prema-sahita taba karai āratī||
अस्तुति करै हाथ दोउ जोरे। पुरवहु मातु मनोरथ मोरे॥
astuti karai hātha dou jore| puravahu mātu manoratha more||
मातु भगति तब सब सुख खानी। करहु कृपा मोपर जनजानी॥
mātu bhagati taba saba sukha khānī| karahu kṛpā mopara janajānī||
त्रिविध ताप सब दुःख नशावहु। तिमिर मिटाकर ज्ञान बढ़ावहु॥
trividha tāpa saba duḥkha naśāvahu| timira miṭākara jñāna baṛhāvahu||
बार-बार मैं बिनवउँ तोहीं। अविरल भगति ज्ञान दो मोहीं॥
bāra-bāra maiṁ binavaum̐ tohīṁ| avirala bhagati jñāna do mohīṁ||
पूजनान्त में हवन करावै। सो नर मनवांछित फल पावै॥
pūjanānta meṁ havana karāvai| so nara manavāṁchita phala pāvai||
सर्षप होम करै जो कोई। ताके वश सचराचर होई॥
sarṣapa homa karai jo koī| tāke vaśa sacarācara hoī||
तिल तण्डुल संग क्षीर मिरावै। भक्ति प्रेम से हवन करावै॥
tila taṇḍula saṁga kṣīra mirāvai| bhakti prema se havana karāvai||
दुःख दरिद्र व्यापै नहिं सोई। निश्चय सुख-संपति सब होई॥
duḥkha daridra vyāpai nahiṁ soī| niścaya sukha-saṁpati saba hoī||
फूल अशोक हवन जो करई। ताके गृह सुख-सम्पत्ति भरई॥
phūla aśoka havana jo karaī| tāke gṛha sukha-sampatti bharaī||
फल सेमर का होम करीजै। निश्चय वाको रिपु सब छीजै॥
phala semara kā homa karījai| niścaya vāko ripu saba chījai||
गुग्गुल घृत होमै जो कोई। तेहि के वश में राजा होई॥
guggula ghṛta homai jo koī| tehi ke vaśa meṁ rājā hoī||
गुग्गुल तिल सँग होम करावै। ताको सकल बन्ध कट जावै॥
guggula tila sam̐ga homa karāvai| tāko sakala bandha kaṭa jāvai||
बीजाक्षर का पाठ जो करहीं। बीजमन्त्र तुम्हरो उच्चरहीं॥
bījākṣara kā pāṭha jo karahīṁ| bījamantra tumharo uccarahīṁ||
एक मास निशि जो कर जापा। तेहि कर मिटत सकल सन्तापा॥
eka māsa niśi jo kara jāpā| tehi kara miṭata sakala santāpā||
घर की शुद्ध भूमि जहँ होई। साधक जाप करै तहँ सोई॥
ghara kī śuddha bhūmi jaham̐ hoī| sādhaka jāpa karai taham̐ soī||
सोइ इच्छित फल निश्चय पावै। जामे नहिं कछु संशय लावै॥
soi icchita phala niścaya pāvai| jāme nahiṁ kachu saṁśaya lāvai||
अथवा तीर नदी के जाई। साधक जाप करै मन लाई॥
athavā tīra nadī ke jāī| sādhaka jāpa karai mana lāī||
दस सहस्र जप करै जो कोई। सकल काज तेहि कर सिधि होई॥
dasa sahasra japa karai jo koī| sakala kāja tehi kara sidhi hoī||
जाप करै जो लक्षहिं बारा। ताकर होय सुयश विस्तारा॥
jāpa karai jo lakṣahiṁ bārā| tākara hoya suyaśa vistārā||
जो तव नाम जपै मन लाई। अल्पकाल महँ रिपुहिं नसाई॥
jo tava nāma japai mana lāī| alpakāla maham̐ ripuhiṁ nasāī||
सप्तरात्रि जो जापहिं नामा। वाको पूरन हो सब कामा॥
saptarātri jo jāpahiṁ nāmā| vāko pūrana ho saba kāmā||
नव दिन जाप करे जो कोई। व्याधि रहित ताकर तन होई॥
nava dina jāpa kare jo koī| vyādhi rahita tākara tana hoī||
ध्यान करै जो बन्ध्या नारी। पावै पुत्रादिक फल चारी॥
dhyāna karai jo bandhyā nārī| pāvai putrādika phala cārī||
प्रातः सायं अरु मध्याना। धरे ध्यान होवै कल्याना॥
prātaḥ sāyaṁ aru madhyānā| dhare dhyāna hovai kalyānā||
कहँ लगि महिमा कहौं तिहारी। नाम सदा शुभ मंगलकारी॥
kaham̐ lagi mahimā kahauṁ tihārī| nāma sadā śubha maṁgalakārī||
पाठ करै जो नित्य चालीसा। तेहि पर कृपा करहिं गौरीशा॥
pāṭha karai jo nitya cālīsā| tehi para kṛpā karahiṁ gaurīśā||