जय ब्रह्मा जय स्वयम्भू, चतुरानन सुखमूल। करहु कृपा निज दास पै, रहहु सदा अनुकूल॥ तुम सृजक ब्रह्माण्ड के, अज विधि घाता नाम। विश्वविधाता कीजिये, जन पै कृपा ललाम॥
जय जय कमलासान जगमूला। रहहु सदा जनपै अनुकूला॥
jaya jaya kamalāsāna jagamūlā| rahahu sadā janapai anukūlā||
रुप चतुर्भुज परम सुहावन। तुम्हें अहैं चतुर्दिक आनन॥
rupa caturbhuja parama suhāvana| tumheṁ ahaiṁ caturdika ānana||
रक्तवर्ण तव सुभग शरीरा। मस्तक जटाजुट गंभीरा॥
raktavarṇa tava subhaga śarīrā| mastaka jaṭājuṭa gaṁbhīrā||
ताके ऊपर मुकुट बिराजै। दाढ़ी श्वेत महाछवि छाजै॥
tāke ūpara mukuṭa birājai| dāṛhī śveta mahāchavi chājai||
श्वेतवस्त्र धारे तुम सुन्दर। है यज्ञोपवीत अति मनहर॥
śvetavastra dhāre tuma sundara| hai yajñopavīta ati manahara||
कानन कुण्डल सुभग बिराजहिं। गल मोतिन की माला राजहिं॥
kānana kuṇḍala subhaga birājahiṁ| gala motina kī mālā rājahiṁ||
चारिहु वेद तुम्हीं प्रगटाये। दिव्य ज्ञान त्रिभुवनहिं सिखाये॥
cārihu veda tumhīṁ pragaṭāye| divya jñāna tribhuvanahiṁ sikhāye||
ब्रह्मलोक शुभ धाम तुम्हारा। अखिल भुवन महँ यश बिस्तारा॥
brahmaloka śubha dhāma tumhārā| akhila bhuvana maham̐ yaśa bistārā||
अर्द्धांगिनि तव है सावित्री। अपर नाम हिये गायत्री॥
arddhāṁgini tava hai sāvitrī| apara nāma hiye gāyatrī||
सरस्वती तब सुता मनोहर। वीणा वादिनि सब विधि मुन्दर॥
sarasvatī taba sutā manohara| vīṇā vādini saba vidhi mundara||
कमलासन पर रहे बिराजे। तुम हरिभक्ति साज सब साजे॥
kamalāsana para rahe birāje| tuma haribhakti sāja saba sāje||
क्षीर सिन्धु सोवत सुरभूपा। नाभि कमल भो प्रगट अनूपा॥
kṣīra sindhu sovata surabhūpā| nābhi kamala bho pragaṭa anūpā||
तेहि पर तुम आसीन कृपाला। सदा करहु सन्तन प्रतिपाला॥
tehi para tuma āsīna kṛpālā| sadā karahu santana pratipālā||
एक बार की कथा प्रचारी। तुम कहँ मोह भयेउ मन भारी॥
eka bāra kī kathā pracārī| tuma kaham̐ moha bhayeu mana bhārī||
कमलासन लखि कीन्ह बिचारा। और न कोउ अहै संसारा॥
kamalāsana lakhi kīnha bicārā| aura na kou ahai saṁsārā||
तब तुम कमलनाल गहि लीन्हा। अन्त बिलोकन कर प्रण कीन्हा॥
taba tuma kamalanāla gahi līnhā| anta bilokana kara praṇa kīnhā||
कोटिक वर्ष गये यहि भांती। भ्रमत भ्रमत बीते दिन राती॥
koṭika varṣa gaye yahi bhāṁtī| bhramata bhramata bīte dina rātī||
पै तुम ताकर अन्त न पाये। ह्वै निराश अतिशय दुःखियाये॥
pai tuma tākara anta na pāye| hvai nirāśa atiśaya duḥkhiyāye||
पुनि बिचार मन महँ यह कीन्हा। महापघ यह अति प्राचीन॥
puni bicāra mana maham̐ yaha kīnhā| mahāpagha yaha ati prācīna||
याको जन्म भयो को कारन। तबहीं मोहि करयो यह धारन॥
yāko janma bhayo ko kārana| tabahīṁ mohi karayo yaha dhārana||
अखिल भुवन महँ कहँ कोई नाहीं। सब कुछ अहै निहित मो माहीं॥
akhila bhuvana maham̐ kaham̐ koī nāhīṁ| saba kucha ahai nihita mo māhīṁ||
यह निश्चय करि गरब बढ़ायो। निज कहँ ब्रह्म मानि सुखपाये॥
yaha niścaya kari garaba baṛhāyo| nija kaham̐ brahma māni sukhapāye||
गगन गिरा तब भई गंभीरा। ब्रह्मा वचन सुनहु धरि धीरा॥
gagana girā taba bhaī gaṁbhīrā| brahmā vacana sunahu dhari dhīrā||
सकल सृष्टि कर स्वामी जोई। ब्रह्म अनादि अलख है सोई॥
sakala sṛṣṭi kara svāmī joī| brahma anādi alakha hai soī||
निज इच्छा इन सब निरमाये। ब्रह्मा विष्णु महेश बनाये॥
nija icchā ina saba niramāye| brahmā viṣṇu maheśa banāye||
सृष्टि लागि प्रगटे त्रयदेवा। सब जग इनकी करिहै सेवा॥
sṛṣṭi lāgi pragaṭe trayadevā| saba jaga inakī karihai sevā||
महापघ जो तुम्हरो आसन। ता पै अहै विष्णु को शासन॥
mahāpagha jo tumharo āsana| tā pai ahai viṣṇu ko śāsana||
विष्णु नाभितें प्रगट्यो आई। तुम कहँ सत्य दीन्ह समुझाई॥
viṣṇu nābhiteṁ pragaṭyo āī| tuma kaham̐ satya dīnha samujhāī||
भ्ौटहु जाई विष्णु हितमानी। यह कहि बन्द भई नभवानी॥
bhauṭahu jāī viṣṇu hitamānī| yaha kahi banda bhaī nabhavānī||
ताहि श्रवण कहि अचरज माना। पुनि चतुरानन कीन्ह पयाना॥
tāhi śravaṇa kahi acaraja mānā| puni caturānana kīnha payānā||
कमल नाल धरि नीचे आवा। तहां विष्णु के दर्शन पावा॥
kamala nāla dhari nīce āvā| tahāṁ viṣṇu ke darśana pāvā||
शयन करत देखे सुरभूपा। श्यायमवर्ण तनु परम अनूपा॥
śayana karata dekhe surabhūpā| śyāyamavarṇa tanu parama anūpā||
सोहत चतुर्भुजा अतिसुन्दर। क्रीटमुकट राजत मस्तक पर॥
sohata caturbhujā atisundara| krīṭamukaṭa rājata mastaka para||
गल बैजन्ती माल बिराजै। कोटि सूर्य की शोभा लाजै॥
gala baijantī māla birājai| koṭi sūrya kī śobhā lājai||
शंख चक्र अरु गदा मनोहर। शेष नाग शय्या अति मनहर॥
śaṁkha cakra aru gadā manohara| śeṣa nāga śayyā ati manahara||
दिव्यरुप लखि कीन्ह प्रणामू। हर्षित भे श्रीपति सुख धामू॥
divyarupa lakhi kīnha praṇāmū| harṣita bhe śrīpati sukha dhāmū||
बहु विधि विनय कीन्ह चतुरानन। तब लक्ष्मी पति कहेउ मुदित मन॥
bahu vidhi vinaya kīnha caturānana| taba lakṣmī pati kaheu mudita mana||
ब्रह्मा दूरि करहु अभिमाना। ब्रह्मारुप हम दोउ समाना॥
brahmā dūri karahu abhimānā| brahmārupa hama dou samānā||
तीजे श्री शिवशंकर आहीं। ब्रह्मरुप सब त्रिभुवन मांही॥
tīje śrī śivaśaṁkara āhīṁ| brahmarupa saba tribhuvana māṁhī||
तुम सों होई सृष्टि विस्तारा। हम पालन करिहैं संसारा॥
tuma soṁ hoī sṛṣṭi vistārā| hama pālana karihaiṁ saṁsārā||
शिव संहार करहिं सब केरा। हम तीनहुं कहँ काज धनेरा॥
śiva saṁhāra karahiṁ saba kerā| hama tīnahuṁ kaham̐ kāja dhanerā||
अगुणरुप श्री ब्रह्मा बखानहु। निराकार तिनकहँ तुम जानहु॥
aguṇarupa śrī brahmā bakhānahu| nirākāra tinakaham̐ tuma jānahu||
हम साकार रुप त्रयदेवा। करिहैं सदा ब्रह्म की सेवा॥
hama sākāra rupa trayadevā| karihaiṁ sadā brahma kī sevā||
यह सुनि ब्रह्मा परम सिहाये। परब्रह्म के यश अति गाये॥
yaha suni brahmā parama sihāye| parabrahma ke yaśa ati gāye||
सो सब विदित वेद के नामा। मुक्ति रुप सो परम ललामा॥
so saba vidita veda ke nāmā| mukti rupa so parama lalāmā||
यहि विधि प्रभु भो जनम तुम्हारा। पुनि तुम प्रगट कीन्ह संसारा॥
yahi vidhi prabhu bho janama tumhārā| puni tuma pragaṭa kīnha saṁsārā||
नाम पितामह सुन्दर पायेउ। जड़ चेतन सब कहँ निरमायेउ॥
nāma pitāmaha sundara pāyeu| jaṛa cetana saba kaham̐ niramāyeu||
लीन्ह अनेक बार अवतारा। सुन्दर सुयश जगत विस्तारा॥
līnha aneka bāra avatārā| sundara suyaśa jagata vistārā||
देवदनुज सब तुम कहँ ध्यावहिं। मनवांछित तुम सन सब पावहिं॥
devadanuja saba tuma kaham̐ dhyāvahiṁ| manavāṁchita tuma sana saba pāvahiṁ||
जो कोउ ध्यान धरै नर नारी। ताकी आस पुजावहु सारी॥
jo kou dhyāna dharai nara nārī| tākī āsa pujāvahu sārī||
पुष्कर तीर्थ परम सुखदाई। तहँ तुम बसहु सदा सुरराई॥
puṣkara tīrtha parama sukhadāī| taham̐ tuma basahu sadā surarāī||
कुण्ड नहाइ करहि जो पूजन। ता कर दूर होई सब दूषण॥
kuṇḍa nahāi karahi jo pūjana| tā kara dūra hoī saba dūṣaṇa||