नमो नमो दुर्गे सुख करनी। नमो नमो अम्बे दुःख हरनी॥
namo namo durge sukha karanī| namo namo ambe duḥkha haranī||
निराकार है ज्योति तुम्हारी। तिहूँ लोक फैली उजियारी॥
nirākāra hai jyoti tumhārī| tihūm̐ loka phailī ujiyārī||
शशि ललाट मुख महाविशाला। नेत्र लाल भृकुटि विकराला॥
śaśi lalāṭa mukha mahāviśālā| netra lāla bhṛkuṭi vikarālā||
रूप मातु को अधिक सुहावे। दरश करत जन अति सुख पावे॥
rūpa mātu ko adhika suhāve| daraśa karata jana ati sukha pāve||
तुम संसार शक्ति लय कीना। पालन हेतु अन्न धन दीना॥
tuma saṁsāra śakti laya kīnā| pālana hetu anna dhana dīnā||
अन्नपूर्णा हुई जग पाला। तुम ही आदि सुन्दरी बाला॥
annapūrṇā huī jaga pālā| tuma hī ādi sundarī bālā||
प्रलयकाल सब नाशन हारी। तुम गौरी शिवशंकर प्यारी॥
pralayakāla saba nāśana hārī| tuma gaurī śivaśaṁkara pyārī||
शिव योगी तुम्हरे गुण गावें। ब्रह्मा विष्णु तुम्हें नित ध्यावें॥
śiva yogī tumhare guṇa gāveṁ| brahmā viṣṇu tumheṁ nita dhyāveṁ||
रूप सरस्वती को तुम धारा। दे सुबुद्धि ऋषि-मुनिन उबारा॥
rūpa sarasvatī ko tuma dhārā| de subuddhi ṛṣi-munina ubārā||
धरा रूप नरसिंह को अम्बा। प्रगट भईं फाड़कर खम्बा॥
dharā rūpa narasiṁha ko ambā| pragaṭa bhaīṁ phāṛakara khambā||
रक्षा कर प्रह्लाद बचायो। हिरण्याक्ष को स्वर्ग पठायो॥
rakṣā kara prahlāda bacāyo| hiraṇyākṣa ko svarga paṭhāyo||
लक्ष्मी रूप धरो जग माहीं। श्री नारायण अंग समाहीं॥
lakṣmī rūpa dharo jaga māhīṁ| śrī nārāyaṇa aṁga samāhīṁ||
क्षीरसिन्धु में करत विलासा। दयासिन्धु दीजै मन आसा॥
kṣīrasindhu meṁ karata vilāsā| dayāsindhu dījai mana āsā||
हिंगलाज में तुम्हीं भवानी। महिमा अमित न जात बखानी॥
hiṁgalāja meṁ tumhīṁ bhavānī| mahimā amita na jāta bakhānī||
मातंगी अरु धूमावति माता। भुवनेश्वरी बगला सुख दाता॥
mātaṁgī aru dhūmāvati mātā| bhuvaneśvarī bagalā sukha dātā||
श्री भैरव तारा जग तारिणी। छिन्न भाल भव दुःख निवारिणी॥
śrī bhairava tārā jaga tāriṇī| chinna bhāla bhava duḥkha nivāriṇī||
केहरि वाहन सोह भवानी। लांगुर वीर चलत अगवानी॥
kehari vāhana soha bhavānī| lāṁgura vīra calata agavānī||
कर में खप्पर-खड्ग विराजै। जाको देख काल डर भाजे॥
kara meṁ khappara-khaḍga virājai| jāko dekha kāla ḍara bhāje||
सोहै अस्त्र और त्रिशूला। जाते उठत शत्रु हिय शूला॥
sohai astra aura triśūlā| jāte uṭhata śatru hiya śūlā||
नगर कोटि में तुम्हीं विराजत। तिहुंलोक में डंका बाजत॥
nagara koṭi meṁ tumhīṁ virājata| tihuṁloka meṁ ḍaṁkā bājata||
शुम्भ निशुम्भ दानव तुम मारे। रक्तबीज शंखन संहारे॥
śumbha niśumbha dānava tuma māre| raktabīja śaṁkhana saṁhāre||
महिषासुर नृप अति अभिमानी। जेहि अघ भार मही अकुलानी॥
mahiṣāsura nṛpa ati abhimānī| jehi agha bhāra mahī akulānī||
रूप कराल कालिका धारा। सेन सहित तुम तिहि संहारा॥
rūpa karāla kālikā dhārā| sena sahita tuma tihi saṁhārā||
परी गाढ़ सन्तन पर जब-जब। भई सहाय मातु तुम तब तब॥
parī gāṛha santana para jaba-jaba| bhaī sahāya mātu tuma taba taba||
अमरपुरी अरु बासव लोका। तब महिमा सब रहें अशोका॥
amarapurī aru bāsava lokā| taba mahimā saba raheṁ aśokā||
ज्वाला में है ज्योति तुम्हारी। तुम्हें सदा पूजें नर-नारी॥
jvālā meṁ hai jyoti tumhārī| tumheṁ sadā pūjeṁ nara-nārī||
प्रेम भक्ति से जो यश गावै। दुःख दारिद्र निकट नहिं आवें॥
prema bhakti se jo yaśa gāvai| duḥkha dāridra nikaṭa nahiṁ āveṁ||
ध्यावे तुम्हें जो नर मन लाई। जन्म-मरण ताकौ छुटि जाई॥
dhyāve tumheṁ jo nara mana lāī| janma-maraṇa tākau chuṭi jāī||
जोगी सुर मुनि कहत पुकारी। योग न हो बिन शक्ति तुम्हारी॥
jogī sura muni kahata pukārī| yoga na ho bina śakti tumhārī||
शंकर आचारज तप कीनो। काम अरु क्रोध जीति सब लीनो॥
śaṁkara ācāraja tapa kīno| kāma aru krodha jīti saba līno||
निशिदिन ध्यान धरो शंकर को। काहु काल नहिं सुमिरो तुमको॥
niśidina dhyāna dharo śaṁkara ko| kāhu kāla nahiṁ sumiro tumako||
शक्ति रूप को मरम न पायो। शक्ति गई तब मन पछितायो॥
śakti rūpa ko marama na pāyo| śakti gaī taba mana pachitāyo||
शरणागत हुई कीर्ति बखानी। जय जय जय जगदम्ब भवानी॥
śaraṇāgata huī kīrti bakhānī| jaya jaya jaya jagadamba bhavānī||
भई प्रसन्न आदि जगदम्बा। दई शक्ति नहिं कीन विलम्बा॥
bhaī prasanna ādi jagadambā| daī śakti nahiṁ kīna vilambā||
मोको मातु कष्ट अति घेरो। तुम बिन कौन हरै दुःख मेरो॥
moko mātu kaṣṭa ati ghero| tuma bina kauna harai duḥkha mero||
आशा तृष्णा निपट सतावे। मोह मदादिक सब विनशावै॥
āśā tṛṣṇā nipaṭa satāve| moha madādika saba vinaśāvai||
शत्रु नाश कीजै महारानी। सुमिरौं इकचित तुम्हें भवानी॥
śatru nāśa kījai mahārānī| sumirauṁ ikacita tumheṁ bhavānī||
करो कृपा हे मातु दयाला। ऋद्धि-सिद्धि दे करहु निहाला॥
karo kṛpā he mātu dayālā| ṛddhi-siddhi de karahu nihālā||
जब लगि जियउं दया फल पाऊं। तुम्हरो यश मैं सदा सुनाऊं॥
jaba lagi jiyauṁ dayā phala pāūṁ| tumharo yaśa maiṁ sadā sunāūṁ||
दुर्गा चालीसा जो नित गावै। सब सुख भोग परमपद पावै॥
durgā cālīsā jo nita gāvai| saba sukha bhoga paramapada pāvai||
देवीदास शरण निज जानी। करहु कृपा जगदम्ब भवानी॥
devīdāsa śaraṇa nija jānī| karahu kṛpā jagadamba bhavānī||