श्री गुरु चरन सरोज रज, निज मनु मुकुर सुधारि। बरनउं रघुबर विमल जसु, जो दायकु फल चारि॥ बुद्धिहीन तनु जानिकै, सुमिरौं पवन-कुमार। बल बुद्धि विद्या देहु मोहिं, हरहु कलेश विकार॥
जय हनुमान ज्ञान गुण सागर। जय कपीस तिहुँ लोक उजागर॥
jaya hanumāna jñāna guṇa sāgara| jaya kapīsa tihum̐ loka ujāgara||
राम दूत अतुलित बल धामा। अंजनि-पुत्र पवनसुत नामा॥
rāma dūta atulita bala dhāmā| aṁjani-putra pavanasuta nāmā||
महावीर विक्रम बजरंगी। कुमति निवार सुमति के संगी॥
mahāvīra vikrama bajaraṁgī| kumati nivāra sumati ke saṁgī||
कंचन बरन बिराज सुवेसा। कानन कुण्डल कुंचित केसा॥
kaṁcana barana birāja suvesā| kānana kuṇḍala kuṁcita kesā||
हाथ वज्र औ ध्वजा बिराजै। काँधे मूँज जनेऊ साजै॥
hātha vajra au dhvajā birājai| kām̐dhe mūm̐ja janeū sājai||
शंकर सुवन केसरीनन्दन। तेज प्रताप महा जग वन्दन॥
śaṁkara suvana kesarīnandana| teja pratāpa mahā jaga vandana||
विद्यावान गुणी अति चातुर। राम काज करिबे को आतुर॥
vidyāvāna guṇī ati cātura| rāma kāja karibe ko ātura||
प्रभु चरित्र सुनिबे को रसिया। राम लखन सीता मन बसिया॥
prabhu caritra sunibe ko rasiyā| rāma lakhana sītā mana basiyā||
सूक्ष्म रुप धरि सियहिं दिखावा। विकट रुप धरि लंक जरावा॥
sūkṣma rupa dhari siyahiṁ dikhāvā| vikaṭa rupa dhari laṁka jarāvā||
भीम रुप धरि असुर संहारे। रामचन्द्र के काज संवारे॥
bhīma rupa dhari asura saṁhāre| rāmacandra ke kāja saṁvāre||
लाय सजीवन लखन जियाये। श्रीरघुवीर हरषि उर लाये॥
lāya sajīvana lakhana jiyāye| śrīraghuvīra haraṣi ura lāye||
रघुपति कीन्ही बहुत बड़ाई। तुम मम प्रिय भरतहि सम भाई॥
raghupati kīnhī bahuta baṛāī| tuma mama priya bharatahi sama bhāī||
सहस बदन तुम्हरो यश गावैं। अस कहि श्री पति कंठ लगावैं॥
sahasa badana tumharo yaśa gāvaiṁ| asa kahi śrī pati kaṁṭha lagāvaiṁ||
सनकादिक ब्रह्मादि मुनीसा। नारद सारद सहित अहीसा॥
sanakādika brahmādi munīsā| nārada sārada sahita ahīsā||
जम कुबेर दिकपाल जहां ते। कवि कोबिद कहि सके कहां ते॥
jama kubera dikapāla jahāṁ te| kavi kobida kahi sake kahāṁ te||
तुम उपकार सुग्रीवहिं कीन्हा। राम मिलाय राज पद दीन्हा॥
tuma upakāra sugrīvahiṁ kīnhā| rāma milāya rāja pada dīnhā||
तुम्हरो मन्त्र विभीषन माना। लंकेश्वर भये सब जग जाना॥
tumharo mantra vibhīṣana mānā| laṁkeśvara bhaye saba jaga jānā||
जुग सहस्र योजन पर भानू। लील्यो ताहि मधुर फ़ल जानू॥
juga sahasra yojana para bhānū| līlyo tāhi madhura fala jānū||
प्रभु मुद्रिका मेलि मुख माहीं। जलधि लांघि गए अचरज नाहीं॥
prabhu mudrikā meli mukha māhīṁ| jaladhi lāṁghi gae acaraja nāhīṁ||
दुर्गम काज जगत के जेते। सुगम अनुग्रह तुम्हरे तेते॥
durgama kāja jagata ke jete| sugama anugraha tumhare tete||
राम दुआरे तुम रखवारे। होत न आज्ञा बिनु पैसारे॥
rāma duāre tuma rakhavāre| hota na ājñā binu paisāre||
सब सुख लहै तुम्हारी सरना। तुम रक्षक काहू को डरना॥
saba sukha lahai tumhārī saranā| tuma rakṣaka kāhū ko ḍaranā||
आपन तेज सम्हारो आपै। तीनों लोक हांक तें कांपै॥
āpana teja samhāro āpai| tīnoṁ loka hāṁka teṁ kāṁpai||
भूत पिशाच निकट नहिं आवै। महावीर जब नाम सुनावै॥
bhūta piśāca nikaṭa nahiṁ āvai| mahāvīra jaba nāma sunāvai||
नासै रोग हरै सब पीरा। जपत निरंतर हनुमत बीरा॥
nāsai roga harai saba pīrā| japata niraṁtara hanumata bīrā||
संकट ते हनुमान छुड़ावै। मन क्रम वचन ध्यान जो लावै॥
saṁkaṭa te hanumāna chuṛāvai| mana krama vacana dhyāna jo lāvai||
सब पर राम तपस्वी राजा। तिन के काज सकल तुम साजा॥
saba para rāma tapasvī rājā| tina ke kāja sakala tuma sājā||
और मनोरथ जो कोई लावै। सोइ अमित जीवन फ़ल पावै॥
aura manoratha jo koī lāvai| soi amita jīvana fala pāvai||
चारों जुग परताप तुम्हारा। है परसिद्ध जगत उजियारा॥
cāroṁ juga paratāpa tumhārā| hai parasiddha jagata ujiyārā||
साधु सन्त के तुम रखवारे। असुर निकन्दन राम दुलारे॥
sādhu santa ke tuma rakhavāre| asura nikandana rāma dulāre||
अष्ट सिद्धि नवनिधि के दाता। अस बर दीन जानकी माता॥
aṣṭa siddhi navanidhi ke dātā| asa bara dīna jānakī mātā||
राम रसायन तुम्हरे पासा। सदा रहो रघुपति के दासा॥
rāma rasāyana tumhare pāsā| sadā raho raghupati ke dāsā||
तुम्हरे भजन राम को पावै। जनम जनम के दुख बिसरावै॥
tumhare bhajana rāma ko pāvai| janama janama ke dukha bisarāvai||
अन्तकाल रघुबर पुर जाई। जहाँ जन्म हरि-भक्त कहाई॥
antakāla raghubara pura jāī| jahām̐ janma hari-bhakta kahāī||
और देवता चित्त न धरई। हनुमत सेई सर्व सुख करई॥
aura devatā citta na dharaī| hanumata seī sarva sukha karaī||
संकट कटै मिटै सब पीरा। जो सुमिरै हनुमत बलबीरा॥
saṁkaṭa kaṭai miṭai saba pīrā| jo sumirai hanumata balabīrā||
जय जय जय हनुमान गोसाई। कृपा करहु गुरुदेव की नाई॥
jaya jaya jaya hanumāna gosāī| kṛpā karahu gurudeva kī nāī||
जो शत बार पाठ कर कोई। छूटहिं बंदि महा सुख होई॥
jo śata bāra pāṭha kara koī| chūṭahiṁ baṁdi mahā sukha hoī||
जो यह पढ़ै हनुमान चालीसा। होय सिद्धि साखी गौरीसा॥
jo yaha paṛhai hanumāna cālīsā| hoya siddhi sākhī gaurīsā||
तुलसीदास सदा हरि चेरा। कीजै नाथ हृदय महँ डेरा॥
tulasīdāsa sadā hari cerā| kījai nātha hṛdaya maham̐ ḍerā||