विश्वेश्वर-पदपदम की, रज-निज शीश-लगाय। अन्नपूर्णे! तव सुयश, बरनौं कवि-मतिलाय॥
नित्य आनन्द करिणी माता। वर-अरु अभय भाव प्रख्याता॥
nitya ānanda kariṇī mātā| vara-aru abhaya bhāva prakhyātā||
जय! सौंदर्य सिन्धु जग-जननी। अखिल पाप हर भव-भय हरनी॥
jaya! sauṁdarya sindhu jaga-jananī| akhila pāpa hara bhava-bhaya haranī||
श्वेत बदन पर श्वेत बसन पुनि। सन्तन तुव पद सेवत ऋषिमुनि॥
śveta badana para śveta basana puni| santana tuva pada sevata ṛṣimuni||
काशी पुराधीश्वरी माता। माहेश्वरी सकल जग-त्राता॥
kāśī purādhīśvarī mātā| māheśvarī sakala jaga-trātā||
बृषभारुढ़ नाम रुद्राणी। विश्व विहारिणि जय! कल्याणी॥
bṛṣabhāruṛha nāma rudrāṇī| viśva vihāriṇi jaya! kalyāṇī||
पदिदेवता सुतीत शिरोमनि। पदवी प्राप्त कीह्न गिरि-नंदिनि॥
padidevatā sutīta śiromani| padavī prāpta kīhna giri-naṁdini||
पति विछोह दुख सहि नहि पावा। योग अग्नि तब बदन जरावा॥
pati vichoha dukha sahi nahi pāvā| yoga agni taba badana jarāvā||
देह तजत शिव-चरण सनेहू। राखेहु जाते हिमगिरि-गेहू॥
deha tajata śiva-caraṇa sanehū| rākhehu jāte himagiri-gehū||
प्रकटी गिरिजा नाम धरायो। अति आनन्द भवन मँह छायो॥
prakaṭī girijā nāma dharāyo| ati ānanda bhavana mam̐ha chāyo||
नारद ने तब तोहिं भरमायहु। ब्याह करन हित पाठ पढ़ायहु॥
nārada ne taba tohiṁ bharamāyahu| byāha karana hita pāṭha paṛhāyahu||
ब्रह्मा-वरुण-कुबेर गनाये। देवराज आदिक कहि गाय॥
brahmā-varuṇa-kubera ganāye| devarāja ādika kahi gāya||
सब देवन को सुजस बखानी। मतिपलटन की मन मँह ठानी॥
saba devana ko sujasa bakhānī| matipalaṭana kī mana mam̐ha ṭhānī||
अचल रहीं तुम प्रण पर धन्या। कीह्नी सिद्ध हिमाचल कन्या॥
acala rahīṁ tuma praṇa para dhanyā| kīhnī siddha himācala kanyā||
निज कौ तव नारद घबराये। तब प्रण-पूरण मंत्र पढ़ाये॥
nija kau tava nārada ghabarāye| taba praṇa-pūraṇa maṁtra paṛhāye||
करन हेतु तप तोहिं उपदेशेउ। सन्त-बचन तुम सत्य परेखेहु॥
karana hetu tapa tohiṁ upadeśeu| santa-bacana tuma satya parekhehu||
गगनगिरा सुनि टरी न टारे। ब्रह्मा, तब तुव पास पधारे॥
gaganagirā suni ṭarī na ṭāre| brahmā, taba tuva pāsa padhāre||
कहेउ पुत्रि वर माँगु अनूपा। देहुँ आज तुव मति अनुरुपा॥
kaheu putri vara mām̐gu anūpā| dehum̐ āja tuva mati anurupā||
तुम तप कीन्ह अलौकिक भारी। कष्ट उठायेहु अति सुकुमारी॥
tuma tapa kīnha alaukika bhārī| kaṣṭa uṭhāyehu ati sukumārī||
अब संदेह छाँड़ि कछु मोसों। है सौगंध नहीं छल तोसों॥
aba saṁdeha chām̐ṛi kachu mosoṁ| hai saugaṁdha nahīṁ chala tosoṁ||
करत वेद विद ब्रह्मा जानहु। वचन मोर यह सांचो मानहु॥
karata veda vida brahmā jānahu| vacana mora yaha sāṁco mānahu||
तजि संकोच कहहु निज इच्छा। देहौं मैं मन मानी भिक्षा॥
taji saṁkoca kahahu nija icchā| dehauṁ maiṁ mana mānī bhikṣā||
सुनि ब्रह्मा की मधुरी बानी। मुखसों कछु मुसुकायि भवानी॥
suni brahmā kī madhurī bānī| mukhasoṁ kachu musukāyi bhavānī||
बोली तुम का कहहु विधाता। तुम तो जगके स्रष्टाधाता॥
bolī tuma kā kahahu vidhātā| tuma to jagake sraṣṭādhātā||
मम कामना गुप्त नहिं तोंसों। कहवावा चाहहु का मोसों॥
mama kāmanā gupta nahiṁ toṁsoṁ| kahavāvā cāhahu kā mosoṁ||
इज्ञ यज्ञ महँ मरती बारा। शंभुनाथ पुनि होहिं हमारा॥
ijña yajña maham̐ maratī bārā| śaṁbhunātha puni hohiṁ hamārā||
सो अब मिलहिं मोहिं मनभाय। कहि तथास्तु विधि धाम सिधाये॥
so aba milahiṁ mohiṁ manabhāya| kahi tathāstu vidhi dhāma sidhāye||
तब गिरिजा शंकर तव भयऊ। फल कामना संशय गयऊ॥
taba girijā śaṁkara tava bhayaū| phala kāmanā saṁśaya gayaū||
चन्द्रकोटि रवि कोटि प्रकाशा। तब आनन महँ करत निवासा॥
candrakoṭi ravi koṭi prakāśā| taba ānana maham̐ karata nivāsā||
माला पुस्तक अंकुश सोहै। करमँह अपर पाश मन मोहे॥
mālā pustaka aṁkuśa sohai| karamam̐ha apara pāśa mana mohe||
अन्नपूर्णे! सदपूर्णे। अज-अनवद्य अनन्त अपूर्णे॥
annapūrṇe! sadapūrṇe| aja-anavadya ananta apūrṇe||
कृपा सगरी क्षेमंकरी माँ। भव-विभूति आनन्द भरी माँ॥
kṛpā sagarī kṣemaṁkarī mām̐| bhava-vibhūti ānanda bharī mām̐||
कमल बिलोचन विलसित बाले। देवि कालिके! चण्डि कराले॥
kamala bilocana vilasita bāle| devi kālike! caṇḍi karāle||
तुम कैलास मांहि ह्वै गिरिजा। विलसी आनन्दसाथ सिन्धुजा॥
tuma kailāsa māṁhi hvai girijā| vilasī ānandasātha sindhujā||
स्वर्ग-महालक्ष्मी कहलायी। मर्त्य-लोक लक्ष्मी पदपायी॥
svarga-mahālakṣmī kahalāyī| martya-loka lakṣmī padapāyī||
विलसी सब मँह सर्व सरुपा। सेवत तोहिं अमर पुर-भूपा॥
vilasī saba mam̐ha sarva sarupā| sevata tohiṁ amara pura-bhūpā||
जो पढ़िहहिं यह तुव चालीसा। फल पइहहिं शुभ साखी ईसा॥
jo paṛhihahiṁ yaha tuva cālīsā| phala paihahiṁ śubha sākhī īsā||
प्रात समय जो जन मन लायो। पढ़िहहिं भक्ति सुरुचि अघिकायो॥
prāta samaya jo jana mana lāyo| paṛhihahiṁ bhakti suruci aghikāyo||
स्त्री-कलत्र पति मित्र-पुत्र युत। परमैश्वर्य लाभ लहि अद्भुत॥
strī-kalatra pati mitra-putra yuta| paramaiśvarya lābha lahi adbhuta||
राज विमुखको राज दिवावै। जस तेरो जन-सुजस बढ़ावै॥
rāja vimukhako rāja divāvai| jasa tero jana-sujasa baṛhāvai||
पाठ महा मुद मंगल दाता। भक्त मनो वांछित निधिपाता॥
pāṭha mahā muda maṁgala dātā| bhakta mano vāṁchita nidhipātā||