श्री राधे वृषभानुजा, भक्तनि प्राणाधार। वृन्दाविपिन विहारिणि, प्रणवौं बारंबार॥ जैसौ तैसौ रावरौ, कृष्ण प्रिया सुखधाम। चरण शरण निज दीजिये, सुन्दर सुखद ललाम॥
जय वृषभानु कुँवरि श्री श्यामा। कीरति नंदिनी शोभा धामा॥
jaya vṛṣabhānu kum̐vari śrī śyāmā| kīrati naṁdinī śobhā dhāmā||
नित्य विहारिनि श्याम अधारा। अमित मोद मंगल दातारा॥
nitya vihārini śyāma adhārā| amita moda maṁgala dātārā||
रास विलासिनि रस विस्तारिनि। सहचरि सुभग यूथ मन भावनि॥
rāsa vilāsini rasa vistārini| sahacari subhaga yūtha mana bhāvani||
नित्य किशोरी राधा गोरी। श्याम प्राणधन अति जिय भोरी॥
nitya kiśorī rādhā gorī| śyāma prāṇadhana ati jiya bhorī||
करुणा सागर हिय उमंगिनी। ललितादिक सखियन की संगिनी॥
karuṇā sāgara hiya umaṁginī| lalitādika sakhiyana kī saṁginī||
दिन कर कन्या कूल विहारिनि। कृष्ण प्राण प्रिय हिय हुलसावनि॥
dina kara kanyā kūla vihārini| kṛṣṇa prāṇa priya hiya hulasāvani||
नित्य श्याम तुमरौ गुण गावैं। राधा राधा कहि हरषावैं॥
nitya śyāma tumarau guṇa gāvaiṁ| rādhā rādhā kahi haraṣāvaiṁ||
मुरली में नित नाम उचारें। तुव कारण लीला वपु धारें॥
muralī meṁ nita nāma ucāreṁ| tuva kāraṇa līlā vapu dhāreṁ||
प्रेम स्वरूपिणि अति सुकुमारी। श्याम प्रिया वृषभानु दुलारी॥
prema svarūpiṇi ati sukumārī| śyāma priyā vṛṣabhānu dulārī||
नवल किशोरी अति छवि धामा। द्युति लघु लगै कोटि रति कामा॥
navala kiśorī ati chavi dhāmā| dyuti laghu lagai koṭi rati kāmā||
गौरांगी शशि निंदक बदना। सुभग चपल अनियारे नयना॥
gaurāṁgī śaśi niṁdaka badanā| subhaga capala aniyāre nayanā||
जावक युत युग पंकज चरना। नूपुर धुनि प्रीतम मन हरना॥
jāvaka yuta yuga paṁkaja caranā| nūpura dhuni prītama mana haranā||
संतत सहचरि सेवा करहीं। महा मोद मंगल मन भरहीं॥
saṁtata sahacari sevā karahīṁ| mahā moda maṁgala mana bharahīṁ||
रसिकन जीवन प्राण अधारा। राधा नाम सकल सुख सारा॥
rasikana jīvana prāṇa adhārā| rādhā nāma sakala sukha sārā||
अगम अगोचर नित्य स्वरूपा। ध्यान धरत निशिदिन ब्रज भूपा॥
agama agocara nitya svarūpā| dhyāna dharata niśidina braja bhūpā||
उपजेउ जासु अंश गुण खानी। कोटिन उमा रमा ब्रह्मानी॥
upajeu jāsu aṁśa guṇa khānī| koṭina umā ramā brahmānī||
नित्य धाम गोलोक विहारिनि। जन रक्षक दुख दोष नसावनि॥
nitya dhāma goloka vihārini| jana rakṣaka dukha doṣa nasāvani||
शिव अज मुनि सनकादिक नारद। पार न पाँइ शेष अरु शारद॥
śiva aja muni sanakādika nārada| pāra na pām̐i śeṣa aru śārada||
राधा शुभ गुण रूप उजारी। निरखि प्रसन्न होत बनबारी॥
rādhā śubha guṇa rūpa ujārī| nirakhi prasanna hota banabārī||
ब्रज जीवन धन राधा रानी। महिमा अमित न जाय बखानी॥
braja jīvana dhana rādhā rānī| mahimā amita na jāya bakhānī||
प्रीतम संग देइ गलबाँही। बिहरत नित वृन्दावन माँही॥
prītama saṁga dei galabām̐hī| biharata nita vṛndāvana mām̐hī||
राधा कृष्ण कृष्ण कहैं राधा। एक रूप दोउ प्रीति अगाधा॥
rādhā kṛṣṇa kṛṣṇa kahaiṁ rādhā| eka rūpa dou prīti agādhā||
श्री राधा मोहन मन हरनी। जन सुख दायक प्रफुलित बदनी॥
śrī rādhā mohana mana haranī| jana sukha dāyaka praphulita badanī||
कोटिक रूप धरें नंद नंदा। दर्श करन हित गोकुल चन्दा॥
koṭika rūpa dhareṁ naṁda naṁdā| darśa karana hita gokula candā||
रास केलि करि तुम्हें रिझावें। मान करौ जब अति दुःख पावें॥
rāsa keli kari tumheṁ rijhāveṁ| māna karau jaba ati duḥkha pāveṁ||
प्रफुलित होत दर्श जब पावें। विविध भांति नित विनय सुनावें॥
praphulita hota darśa jaba pāveṁ| vividha bhāṁti nita vinaya sunāveṁ||
वृन्दारण्य विहारिनि श्यामा। नाम लेत पूरण सब कामा॥
vṛndāraṇya vihārini śyāmā| nāma leta pūraṇa saba kāmā||
कोटिन यज्ञ तपस्या करहू। विविध नेम व्रत हिय में धरहू॥
koṭina yajña tapasyā karahū| vividha nema vrata hiya meṁ dharahū||
तऊ न श्याम भक्तहिं अपनावें। जब लगि राधा नाम न गावें॥
taū na śyāma bhaktahiṁ apanāveṁ| jaba lagi rādhā nāma na gāveṁ||
वृन्दाविपिन स्वामिनी राधा। लीला वपु तब अमित अगाधा॥
vṛndāvipina svāminī rādhā| līlā vapu taba amita agādhā||
स्वयं कृष्ण पावैं नहिं पारा। और तुम्हें को जानन हारा॥
svayaṁ kṛṣṇa pāvaiṁ nahiṁ pārā| aura tumheṁ ko jānana hārā||
श्री राधा रस प्रीति अभेदा। सादर गान करत नित वेदा॥
śrī rādhā rasa prīti abhedā| sādara gāna karata nita vedā||
राधा त्यागि कृष्ण को भजिहैं। ते सपनेहु जग जलधि न तरि हैं॥
rādhā tyāgi kṛṣṇa ko bhajihaiṁ| te sapanehu jaga jaladhi na tari haiṁ||
कीरति कुँवरि लाड़िली राधा। सुमिरत सकल मिटहिं भवबाधा॥
kīrati kum̐vari lāṛilī rādhā| sumirata sakala miṭahiṁ bhavabādhā||
नाम अमंगल मूल नसावन। त्रिविध ताप हर हरि मनभावन॥
nāma amaṁgala mūla nasāvana| trividha tāpa hara hari manabhāvana||
राधा नाम लेइ जो कोई। सहजहि दामोदर बस होई॥
rādhā nāma lei jo koī| sahajahi dāmodara basa hoī||
राधा नाम परम सुखदाई। भजतहिं कृपा करहिं यदुराई॥
rādhā nāma parama sukhadāī| bhajatahiṁ kṛpā karahiṁ yadurāī||
यशुमति नन्दन पीछे फिरिहैं। जो कोऊ राधा नाम सुमिरिहैं॥
yaśumati nandana pīche phirihaiṁ| jo koū rādhā nāma sumirihaiṁ||
रास विहारिनि श्यामा प्यारी। करहु कृपा बरसाने वारी॥
rāsa vihārini śyāmā pyārī| karahu kṛpā barasāne vārī||
वृन्दावन है शरण तिहारी। जय जय जय वृषभानु दुलारी॥
vṛndāvana hai śaraṇa tihārī| jaya jaya jaya vṛṣabhānu dulārī||