श्री गोपाल चालीसा
Shri Gopala Chalisa
श्री राधापद कमल रज, सिर धरि यमुना कूल। वरणो चालीसा सरस, सकल सुमंगल मूल॥
जय जय पूरण ब्रह्म बिहारी। दुष्ट दलन लीला अवतारी॥
jaya jaya pūraṇa brahma bihārī| duṣṭa dalana līlā avatārī||
जो कोई तुम्हरी लीला गावै। बिन श्रम सकल पदारथ पावै॥
jo koī tumharī līlā gāvai| bina śrama sakala padāratha pāvai||
श्री वसुदेव देवकी माता। प्रकट भये संग हलधर भ्राता॥
śrī vasudeva devakī mātā| prakaṭa bhaye saṁga haladhara bhrātā||
मथुरा सों प्रभु गोकुल आये। नन्द भवन में बजत बधाये॥
mathurā soṁ prabhu gokula āye| nanda bhavana meṁ bajata badhāye||
जो विष देन पूतना आई। सो मुक्ति दै धाम पठाई॥
jo viṣa dena pūtanā āī| so mukti dai dhāma paṭhāī||
तृणावर्त राक्षस संहार्यौ। पग बढ़ाय सकटासुर मार्यौ॥
tṛṇāvarta rākṣasa saṁhāryau| paga baṛhāya sakaṭāsura māryau||
खेल खेल में माटी खाई। मुख में सब जग दियो दिखाई॥
khela khela meṁ māṭī khāī| mukha meṁ saba jaga diyo dikhāī||
गोपिन घर घर माखन खायो। जसुमति बाल केलि सुख पायो॥
gopina ghara ghara mākhana khāyo| jasumati bāla keli sukha pāyo||
ऊखल सों निज अंग बँधाई। यमलार्जुन जड़ योनि छुड़ाई॥
ūkhala soṁ nija aṁga bam̐dhāī| yamalārjuna jaṛa yoni chuṛāī||
बका असुर की चोंच विदारी। विकट अघासुर दियो सँहारी॥
bakā asura kī coṁca vidārī| vikaṭa aghāsura diyo sam̐hārī||
ब्रह्मा बालक वत्स चुराये। मोहन को मोहन हित आये॥
brahmā bālaka vatsa curāye| mohana ko mohana hita āye||
बाल वत्स सब बने मुरारी। ब्रह्मा विनय करी तब भारी॥
bāla vatsa saba bane murārī| brahmā vinaya karī taba bhārī||
काली नाग नाथि भगवाना। दावानल को कीन्हों पाना॥
kālī nāga nāthi bhagavānā| dāvānala ko kīnhoṁ pānā||
सखन संग खेलत सुख पायो। श्रीदामा निज कन्ध चढ़ायो॥
sakhana saṁga khelata sukha pāyo| śrīdāmā nija kandha caṛhāyo||
चीर हरन करि सीख सिखाई। नख पर गिरवर लियो उठाई॥
cīra harana kari sīkha sikhāī| nakha para giravara liyo uṭhāī||
दरश यज्ञ पत्निन को दीन्हों। राधा प्रेम सुधा सुख लीन्हों॥
daraśa yajña patnina ko dīnhoṁ| rādhā prema sudhā sukha līnhoṁ||
नन्दहिं वरुण लोक सों लाये। ग्वालन को निज लोक दिखाये॥
nandahiṁ varuṇa loka soṁ lāye| gvālana ko nija loka dikhāye||
शरद चन्द्र लखि वेणु बजाई। अति सुख दीन्हों रास रचाई॥
śarada candra lakhi veṇu bajāī| ati sukha dīnhoṁ rāsa racāī||
अजगर सों पितु चरण छुड़ायो। शंखचूड़ को मूड़ गिरायो॥
ajagara soṁ pitu caraṇa chuṛāyo| śaṁkhacūṛa ko mūṛa girāyo||
हने अरिष्टा सुर अरु केशी। व्योमासुर मार्यो छल वेषी॥
hane ariṣṭā sura aru keśī| vyomāsura māryo chala veṣī||
व्याकुल ब्रज तजि मथुरा आये। मारि कंस यदुवंश बसाये॥
vyākula braja taji mathurā āye| māri kaṁsa yaduvaṁśa basāye||
मात पिता की बन्दि छुड़ाई। सान्दीपनि गृह विद्या पाई॥
māta pitā kī bandi chuṛāī| sāndīpani gṛha vidyā pāī||
पुनि पठयौ ब्रज ऊधौ ज्ञानी। प्रेम देखि सुधि सकल भुलानी॥
puni paṭhayau braja ūdhau jñānī| prema dekhi sudhi sakala bhulānī||
कीन्हीं कुबरी सुन्दर नारी। हरि लाये रुक्मिणि सुकुमारी॥
kīnhīṁ kubarī sundara nārī| hari lāye rukmiṇi sukumārī||
भौमासुर हनि भक्त छुड़ाये। सुरन जीति सुरतरु महि लाये॥
bhaumāsura hani bhakta chuṛāye| surana jīti surataru mahi lāye||
दन्तवक्र शिशुपाल संहारे। खग मृग नृग अरु बधिक उधारे॥
dantavakra śiśupāla saṁhāre| khaga mṛga nṛga aru badhika udhāre||
दीन सुदामा धनपति कीन्हों। पारथ रथ सारथि यश लीन्हों॥
dīna sudāmā dhanapati kīnhoṁ| pāratha ratha sārathi yaśa līnhoṁ||
गीता ज्ञान सिखावन हारे। अर्जुन मोह मिटावन हारे॥
gītā jñāna sikhāvana hāre| arjuna moha miṭāvana hāre||
केला भक्त बिदुर घर पायो। युद्ध महाभारत रचवायो॥
kelā bhakta bidura ghara pāyo| yuddha mahābhārata racavāyo||
द्रुपद सुता को चीर बढ़ायो। गर्भ परीक्षित जरत बचायो॥
drupada sutā ko cīra baṛhāyo| garbha parīkṣita jarata bacāyo||
कच्छ मच्छ वाराह अहीशा। बावन कल्की बुद्धि मुनीशा॥
kaccha maccha vārāha ahīśā| bāvana kalkī buddhi munīśā||
ह्वै नृसिंह प्रह्लाद उबार्यो। राम रुप धरि रावण मार्यो॥
hvai nṛsiṁha prahlāda ubāryo| rāma rupa dhari rāvaṇa māryo||
जय मधु कैटभ दैत्य हनैया। अम्बरीय प्रिय चक्र धरैया॥
jaya madhu kaiṭabha daitya hanaiyā| ambarīya priya cakra dharaiyā||
ब्याध अजामिल दीन्हें तारी। शबरी अरु गणिका सी नारी॥
byādha ajāmila dīnheṁ tārī| śabarī aru gaṇikā sī nārī||
गरुड़ासन गज फन्द निकन्दन। देहु दरश ध्रुव नयनानन्दन॥
garuṛāsana gaja phanda nikandana| dehu daraśa dhruva nayanānandana||
देहु शुद्ध सन्तन कर सङ्गा। बाढ़ै प्रेम भक्ति रस रङ्गा॥
dehu śuddha santana kara saṅgā| bāṛhai prema bhakti rasa raṅgā||
देहु दिव्य वृन्दावन बासा। छूटै मृग तृष्णा जग आशा॥
dehu divya vṛndāvana bāsā| chūṭai mṛga tṛṣṇā jaga āśā||
तुम्हरो ध्यान धरत शिव नारद। शुक सनकादिक ब्रह्म विशारद॥
tumharo dhyāna dharata śiva nārada| śuka sanakādika brahma viśārada||
जय जय राधारमण कृपाला। हरण सकल संकट भ्रम जाला॥
jaya jaya rādhāramaṇa kṛpālā| haraṇa sakala saṁkaṭa bhrama jālā||
बिनसैं बिघन रोग दुःख भारी। जो सुमरैं जगपति गिरधारी॥
binasaiṁ bighana roga duḥkha bhārī| jo sumaraiṁ jagapati giradhārī||
जो सत बार पढ़ै चालीसा। देहि सकल बाँछित फल शीशा॥
jo sata bāra paṛhai cālīsā| dehi sakala bām̐chita phala śīśā||