श्री परशुराम चालीसा
Shri Parashurama Chalisa
श्री गुरु चरण सरोज छवि, निज मन मन्दिर धारि। सुमरि गजानन शारदा, गहि आशिष त्रिपुरारि॥ बुद्धिहीन जन जानिये, अवगुणों का भण्डार। बरणों परशुराम सुयश, निज मति के अनुसार॥
जय प्रभु परशुराम सुख सागर। जय मुनीश गुण ज्ञान दिवाकर॥
jaya prabhu paraśurāma sukha sāgara| jaya munīśa guṇa jñāna divākara||
भृगुकुल मुकुट विकट रणधीरा। क्षत्रिय तेज मुख संत शरीरा॥
bhṛgukula mukuṭa vikaṭa raṇadhīrā| kṣatriya teja mukha saṁta śarīrā||
जमदग्नी सुत रेणुका जाया। तेज प्रताप सकल जग छाया॥
jamadagnī suta reṇukā jāyā| teja pratāpa sakala jaga chāyā||
मास बैसाख सित पच्छ उदारा। तृतीया पुनर्वसु मनुहारा॥
māsa baisākha sita paccha udārā| tṛtīyā punarvasu manuhārā||
प्रहर प्रथम निशा शीत न घामा। तिथि प्रदोष व्यापि सुखधामा॥
prahara prathama niśā śīta na ghāmā| tithi pradoṣa vyāpi sukhadhāmā||
तब ऋषि कुटीर रूदन शिशु कीन्हा। रेणुका कोखि जनम हरि लीन्हा॥
taba ṛṣi kuṭīra rūdana śiśu kīnhā| reṇukā kokhi janama hari līnhā||
निज घर उच्च ग्रह छः ठाढ़े। मिथुन राशि राहु सुख गाढ़े॥
nija ghara ucca graha chaḥ ṭhāṛhe| mithuna rāśi rāhu sukha gāṛhe||
तेज-ज्ञान मिल नर तनु धारा। जमदग्नी घर ब्रह्म अवतारा॥
teja-jñāna mila nara tanu dhārā| jamadagnī ghara brahma avatārā||
धरा राम शिशु पावन नामा। नाम जपत जग लह विश्रामा॥
dharā rāma śiśu pāvana nāmā| nāma japata jaga laha viśrāmā||
भाल त्रिपुण्ड जटा सिर सुन्दर। कांधे मुंज जनेऊ मनहर॥
bhāla tripuṇḍa jaṭā sira sundara| kāṁdhe muṁja janeū manahara||
मंजु मेखला कटि मृगछाला। रूद्र माला बर वक्ष विशाला॥
maṁju mekhalā kaṭi mṛgachālā| rūdra mālā bara vakṣa viśālā||
पीत बसन सुन्दर तनु सोहें। कंध तुणीर धनुष मन मोहें॥
pīta basana sundara tanu soheṁ| kaṁdha tuṇīra dhanuṣa mana moheṁ||
वेद-पुराण-श्रुति-स्मृति ज्ञाता। क्रोध रूप तुम जग विख्याता॥
veda-purāṇa-śruti-smṛti jñātā| krodha rūpa tuma jaga vikhyātā||
दायें हाथ श्रीपरशु उठावा। वेद-संहिता बायें सुहावा॥
dāyeṁ hātha śrīparaśu uṭhāvā| veda-saṁhitā bāyeṁ suhāvā||
विद्यावान गुण ज्ञान अपारा। शास्त्र-शस्त्र दोउ पर अधिकारा॥
vidyāvāna guṇa jñāna apārā| śāstra-śastra dou para adhikārā||
भुवन चारिदस अरु नवखंडा। चहुं दिशि सुयश प्रताप प्रचंडा॥
bhuvana cāridasa aru navakhaṁḍā| cahuṁ diśi suyaśa pratāpa pracaṁḍā||
एक बार गणपति के संगा। जूझे भृगुकुल कमल पतंगा॥
eka bāra gaṇapati ke saṁgā| jūjhe bhṛgukula kamala pataṁgā||
दांत तोड़ रण कीन्ह विरामा। एक दंत गणपति भयो नामा॥
dāṁta toṛa raṇa kīnha virāmā| eka daṁta gaṇapati bhayo nāmā||
कार्तवीर्य अर्जुन भूपाला। सहस्रबाहु दुर्जन विकराला॥
kārtavīrya arjuna bhūpālā| sahasrabāhu durjana vikarālā||
सुरगऊ लखि जमदग्नी पांहीं। रखिहहुं निज घर ठानि मन मांहीं॥
suragaū lakhi jamadagnī pāṁhīṁ| rakhihahuṁ nija ghara ṭhāni mana māṁhīṁ||
मिली न मांगि तब कीन्ह लड़ाई। भयो पराजित जगत हंसाई॥
milī na māṁgi taba kīnha laṛāī| bhayo parājita jagata haṁsāī||
तन खल हृदय भई रिस गाढ़ी। रिपुता मुनि सौं अतिसय बाढ़ी॥
tana khala hṛdaya bhaī risa gāṛhī| riputā muni sauṁ atisaya bāṛhī||
ऋषिवर रहे ध्यान लवलीना। तिन्ह पर शक्तिघात नृप कीन्हा॥
ṛṣivara rahe dhyāna lavalīnā| tinha para śaktighāta nṛpa kīnhā||
लगत शक्ति जमदग्नी निपाता। मनहुं क्षत्रिकुल बाम विधाता॥
lagata śakti jamadagnī nipātā| manahuṁ kṣatrikula bāma vidhātā||
पितु-बध मातु-रूदन सुनि भारा। भा अति क्रोध मन शोक अपारा॥
pitu-badha mātu-rūdana suni bhārā| bhā ati krodha mana śoka apārā||
कर गहि तीक्षण परशु कराला। दुष्ट हनन कीन्हेउ तत्काला॥
kara gahi tīkṣaṇa paraśu karālā| duṣṭa hanana kīnheu tatkālā||
क्षत्रिय रुधिर पितु तर्पण कीन्हा। पितु-बध प्रतिशोध सुत लीन्हा॥
kṣatriya rudhira pitu tarpaṇa kīnhā| pitu-badha pratiśodha suta līnhā||
इक्कीस बार भू क्षत्रिय बिहीनी। छीन धरा बिप्रन्ह कहँ दीनी॥
ikkīsa bāra bhū kṣatriya bihīnī| chīna dharā bipranha kaham̐ dīnī||
जुग त्रेता कर चरित सुहाई। शिव-धनु भंग कीन्ह रघुराई॥
juga tretā kara carita suhāī| śiva-dhanu bhaṁga kīnha raghurāī||
गुरु धनु भंजक रिपु करि जाना। तब समूल नाश ताहि ठाना॥
guru dhanu bhaṁjaka ripu kari jānā| taba samūla nāśa tāhi ṭhānā||
कर जोरि तब राम रघुराई। बिनय कीन्ही पुनि शक्ति दिखाई॥
kara jori taba rāma raghurāī| binaya kīnhī puni śakti dikhāī||
भीष्म द्रोण कर्ण बलवन्ता। भये शिष्या द्वापर महँ अनन्ता॥
bhīṣma droṇa karṇa balavantā| bhaye śiṣyā dvāpara maham̐ anantā||
शास्त्र विद्या देह सुयश कमावा। गुरु प्रताप दिगन्त फिरावा॥
śāstra vidyā deha suyaśa kamāvā| guru pratāpa diganta phirāvā||
चारों युग तव महिमा गाई। सुर मुनि मनुज दनुज समुदाई॥
cāroṁ yuga tava mahimā gāī| sura muni manuja danuja samudāī||
दे कश्यप सों संपदा भाई। तप कीन्हा महेन्द्र गिरि जाई॥
de kaśyapa soṁ saṁpadā bhāī| tapa kīnhā mahendra giri jāī||
अब लौं लीन समाधि नाथा। सकल लोक नावइ नित माथा॥
aba lauṁ līna samādhi nāthā| sakala loka nāvai nita māthā||
चारों वर्ण एक सम जाना। समदर्शी प्रभु तुम भगवाना॥
cāroṁ varṇa eka sama jānā| samadarśī prabhu tuma bhagavānā||
ललहिं चारि फल शरण तुम्हारी। देव दनुज नर भूप भिखारी॥
lalahiṁ cāri phala śaraṇa tumhārī| deva danuja nara bhūpa bhikhārī||
जो यह पढ़ै श्री परशु चालीसा। तिन्ह अनुकूल सदा गौरीसा॥
jo yaha paṛhai śrī paraśu cālīsā| tinha anukūla sadā gaurīsā||
पृर्णेन्दु निसि बासर स्वामी। बसहु हृदय प्रभु अन्तरयामी॥
pṛrṇendu nisi bāsara svāmī| basahu hṛdaya prabhu antarayāmī||