निश्चय प्रेम प्रतीति ते, बिनय करै सनमान। तेहि के कारज सकल शुभ, सिद्ध करै हनुमान॥
जय हनुमन्त सन्त हितकारी। सुनि लीजै प्रभु अरज हमारी॥
jaya hanumanta santa hitakārī| suni lījai prabhu araja hamārī||
जन के काज विलम्ब न कीजै। आतुर दौरि महा सुख दीजै॥
jana ke kāja vilamba na kījai| ātura dauri mahā sukha dījai||
जैसे कूदि सिन्धु वहि पारा। सुरसा बदन पैठि बिस्तारा॥
jaise kūdi sindhu vahi pārā| surasā badana paiṭhi bistārā||
आगे जाय लंकिनी रोका। मारेहु लात गई सुर लोका॥
āge jāya laṁkinī rokā| mārehu lāta gaī sura lokā||
जाय विभीषण को सुख दीन्हा। सीता निरखि परम पद लीन्हा॥
jāya vibhīṣaṇa ko sukha dīnhā| sītā nirakhi parama pada līnhā||
बाग उजारि सिन्धु महं बोरा। अति आतुर यम कातर तोरा॥
bāga ujāri sindhu mahaṁ borā| ati ātura yama kātara torā||
अक्षय कुमार मारि संहारा। लूम लपेटि लंक को जारा॥
akṣaya kumāra māri saṁhārā| lūma lapeṭi laṁka ko jārā||
लाह समान लंक जरि गई। जय जय धुनि सुर पुर महं भई॥
lāha samāna laṁka jari gaī| jaya jaya dhuni sura pura mahaṁ bhaī||
अब विलम्ब केहि कारण स्वामी। कृपा करहुं उर अन्तर्यामी॥
aba vilamba kehi kāraṇa svāmī| kṛpā karahuṁ ura antaryāmī||
जय जय लक्ष्मण प्राण के दाता। आतुर होइ दुःख करहुं निपाता॥
jaya jaya lakṣmaṇa prāṇa ke dātā| ātura hoi duḥkha karahuṁ nipātā||
जय गिरिधर जय जय सुख सागर। सुर समूह समरथ भटनागर॥
jaya giridhara jaya jaya sukha sāgara| sura samūha samaratha bhaṭanāgara||
ॐ हनु हनु हनु हनु हनुमन्त हठीले। बैरिहिं मारू बज्र की कीले॥
oṁ hanu hanu hanu hanu hanumanta haṭhīle| bairihiṁ mārū bajra kī kīle||
गदा बज्र लै बैरिहिं मारो। महाराज प्रभु दास उबारो॥
gadā bajra lai bairihiṁ māro| mahārāja prabhu dāsa ubāro||
ॐकार हुंकार महाप्रभु धावो। बज्र गदा हनु विलम्ब न लावो॥
oṁkāra huṁkāra mahāprabhu dhāvo| bajra gadā hanu vilamba na lāvo||
ॐ ह्रीं ह्रीं ह्रीं हनुमन्त कपीसा। ॐ हुं हुं हुं हनु अरि उर शीशा॥
oṁ hrīṁ hrīṁ hrīṁ hanumanta kapīsā| oṁ huṁ huṁ huṁ hanu ari ura śīśā||
सत्य होउ हरि शपथ पायके। रामदूत धरु मारु धाय के॥
satya hou hari śapatha pāyake| rāmadūta dharu māru dhāya ke||
जय जय जय हनुमन्त अगाधा। दुःख पावत जन केहि अपराधा॥
jaya jaya jaya hanumanta agādhā| duḥkha pāvata jana kehi aparādhā||
पूजा जप तप नेम अचारा। नहिं जानत कछु दास तुम्हारा॥
pūjā japa tapa nema acārā| nahiṁ jānata kachu dāsa tumhārā||
वन उपवन मग गिरि गृह माहीं। तुमरे बल हम डरपत नाहीं॥
vana upavana maga giri gṛha māhīṁ| tumare bala hama ḍarapata nāhīṁ||
पाय परौं कर जोरि मनावों। यह अवसर अब केहि गोहरावों॥
pāya parauṁ kara jori manāvoṁ| yaha avasara aba kehi goharāvoṁ||
जय अंजनि कुमार बलवन्ता। शंकर सुवन धीर हनुमन्ता॥
jaya aṁjani kumāra balavantā| śaṁkara suvana dhīra hanumantā||
बदन कराल काल कुल घालक। राम सहाय सदा प्रतिपालक॥
badana karāla kāla kula ghālaka| rāma sahāya sadā pratipālaka||
भूत प्रेत पिशाच निशाचर। अग्नि बैताल काल मारीमर॥
bhūta preta piśāca niśācara| agni baitāla kāla mārīmara||
इन्हें मारु तोहि शपथ राम की। राखु नाथ मरजाद नाम की॥
inheṁ māru tohi śapatha rāma kī| rākhu nātha marajāda nāma kī||
जनकसुता हरि दास कहावो। ताकी शपथ विलम्ब न लावो॥
janakasutā hari dāsa kahāvo| tākī śapatha vilamba na lāvo||
जय जय जय धुनि होत अकाशा। सुमिरत होत दुसह दुःख नाशा॥
jaya jaya jaya dhuni hota akāśā| sumirata hota dusaha duḥkha nāśā||
चरण शरण करि जोरि मनावों। यहि अवसर अब केहि गोहरावों॥
caraṇa śaraṇa kari jori manāvoṁ| yahi avasara aba kehi goharāvoṁ||
उठु उठु चलु तोहिं राम दुहाई। पांय परौं कर जोरि मनाई॥
uṭhu uṭhu calu tohiṁ rāma duhāī| pāṁya parauṁ kara jori manāī||
ॐ चं चं चं चं चपल चलन्ता। ॐ हनु हनु हनु हनु हनुमन्ता॥
oṁ caṁ caṁ caṁ caṁ capala calantā| oṁ hanu hanu hanu hanu hanumantā||
ॐ हं हं हांक देत कपि चञ्चल। ॐ सं सं सहम पराने खल दल॥
oṁ haṁ haṁ hāṁka deta kapi cañcala| oṁ saṁ saṁ sahama parāne khala dala||
अपने जन को तुरत उबारो। सुमिरत होय आनन्द हमारो॥
apane jana ko turata ubāro| sumirata hoya ānanda hamāro||
यहि बजरंग बाण जेहि मारो। ताहि कहो फिर कौन उबारो॥
yahi bajaraṁga bāṇa jehi māro| tāhi kaho phira kauna ubāro||
पाठ करै बजरंग बाण की। हनुमत रक्षा करै प्राण की॥
pāṭha karai bajaraṁga bāṇa kī| hanumata rakṣā karai prāṇa kī||
यह बजरंग बाण जो जापै। तेहि ते भूत प्रेत सब कांपे॥
yaha bajaraṁga bāṇa jo jāpai| tehi te bhūta preta saba kāṁpe||
धूप देय अरु जपै हमेशा। ताके तन नहिं रहे कलेशा॥
dhūpa deya aru japai hameśā| tāke tana nahiṁ rahe kaleśā||