aisipriti ki bali jau
Krishna Bhajan
ऐसी प्रीति की बलि जाऊं। सिंहासन तजि चले मिलन कौं, सुनत सुदामा नाउं। कर जोरे हरि विप्र जानि कै, हित करि चरन पखारे। अंकमाल दै मिले सुदामा, अर्धासन बैठारे। अर्धांगी पूछति मोहन सौं, कैसे हितू तुम्हारे। तन अति छीन मलीन देखियत, पाउं कहां तैं धारे। संदीपन कैं हम अरु सुदामा, पढै एक चटसार। सूर स्याम की कौन चलावै, भक्तनि कृपा अपार।
aisī prīti kī bali jāūṃ। siṃhāsana taji cale milana kauṃ, sunata sudāmā nāuṃ। kara jore hari vipra jāni kai, hita kari carana pakhāre। aṃkamāla dai mile sudāmā, ardhāsana baiṭhāre। ardhāṃgī pūchati mohana sauṃ, kaise hitū tumhāre। tana ati chīna malīna dekhiyata, pāuṃ kahāṃ taiṃ dhāre। saṃdīpana kaiṃ hama aru sudāmā, paḍhai eka caṭasāra। sūra syāma kī kauna calāvai, bhaktani kṛpā apāra।
