britha su janmagamvaiham
Krishna Bhajan
बृथा सु जन्म गंवैहैं जा दिन मन पंछी उडि़ जैहैं। ता दिन तेरे तनु तरवर के सबै पात झरि जैहैं॥ या देही को गरब न करिये स्यार काग गिध खैहैं। तीन नाम तन विष्ठा कृमि ह्वै नातर खाक उड़ैहैं॥ कहं वह नीर कहं वह सोभा कहं रंग रूप दिखैहैं। जिन लोगन सों नेह करतु है तेई देखि घिनैहैं॥ घर के कहत सबारे काढ़ो भूत होय घर खैहैं। जिन पुत्रनहिं बहुत प्रीति पारेउ देवी देव मनैहैं॥ तेइ लै बांस दयौ खोपरी में सीस फाटि बिखरैहैं। जहूं मूढ़ करो सतसंगति संतन में कछु पैहैं॥ नर वपु धारि नाहिं जन हरि को यम की मार सुखैहैं। सूरदास भगवंत भजन बिनु, बृथा सु जन्म गंवैहैं॥
bṛthā su janma gaṃvaihaiṃ jā dina mana paṃchī uḍi़ jaihaiṃ। tā dina tere tanu taravara ke sabai pāta jhari jaihaiṃ॥ yā dehī ko garaba na kariye syāra kāga gidha khaihaiṃ। tīna nāma tana viṣṭhā kṛmi hvai nātara khāka uḍa़aihaiṃ॥ kahaṃ vaha nīra kahaṃ vaha sobhā kahaṃ raṃga rūpa dikhaihaiṃ। jina logana soṃ neha karatu hai teī dekhi ghinaihaiṃ॥ ghara ke kahata sabāre kāḍha़o bhūta hoya ghara khaihaiṃ। jina putranahiṃ bahuta prīti pāreu devī deva manaihaiṃ॥ tei lai bāṃsa dayau khoparī meṃ sīsa phāṭi bikharaihaiṃ। jahūṃ mūḍha़ karo satasaṃgati saṃtana meṃ kachu paihaiṃ॥ nara vapu dhāri nāhiṃ jana hari ko yama kī māra sukhaihaiṃ। sūradāsa bhagavaṃta bhajana binu, bṛthā su janma gaṃvaihaiṃ॥
