hama bhagatani ke bhagata hamāre
Krishna Bhajan
हम भगतनि के भगत हमारे। सुनि अर्जुन परतिग्या मेरी यह ब्रत टरत न टारे॥ भगतनि काज लाज हिय धरि कै पाइ पियादे धाऊं। जहां जहां पीर परै भगतनि कौं तहां तहां जाइ छुड़ाऊं॥ जो भगतनि सौं बैर करत है सो निज बैरी मेरौ। देखि बिचारि भगत हित कारन हौं हांकों रथ तेरौ॥ जीते जीतौं भगत अपने के हारें हारि बिचारौ। सूरदास सुनि भगत विरोधी चक्र सूदरसन जारौं॥
hama bhagatani ke bhagata hamāre। suni arjuna paratigyā merī yaha brata ṭarata na ṭāre॥ bhagatani kāja lāja hiya dhari kai pāi piyāde dhāūṃ। jahāṃ jahāṃ pīra parai bhagatani kauṃ tahāṃ tahāṃ jāi chuḍa़āūṃ॥ jo bhagatani sauṃ baira karata hai so nija bairī merau। dekhi bicāri bhagata hita kārana hauṃ hāṃkoṃ ratha terau॥ jīte jītauṃ bhagata apane ke hāreṃ hāri bicārau। sūradāsa suni bhagata virodhī cakra sūdarasana jārauṃ॥
