japara dinanatha dharai
Krishna Bhajan
जापर दीनानाथ ढरै। सोई कुलीन, बड़ो सुन्दर सिइ, जिहिं पर कृपा करै॥ राजा कौन बड़ो रावन तें, गर्वहिं गर्व गरै। कौन विभीषन रंक निसाचर, हरि हंसि छत्र धरै॥ रंकव कौन सुदामाहू तें, आपु समान करै। अधम कौन है अजामील तें, जम तहं जात डरै॥ कौन बिरक्त अधिक नारद तें, निसि दिन भ्रमत फिरै। अधिक कुरूप कौन कुबिजा तें, हरि पति पाइ तरै॥ अधिक सुरूप कौन सीता तें, जनम वियोग भरै। जोगी कौन बड़ो संकर तें, ताकों काम छरै॥ यह गति मति जानै नहिं कोऊ, किहिं रस रसिक ढरै। सूरदास, भगवन्त भजन बिनु, फिरि-फिरि जठर जरै॥
jāpara dīnānātha ḍharai। soī kulīna, baḍa़o sundara sii, jihiṃ para kṛpā karai॥ rājā kauna baḍa़o rāvana teṃ, garvahiṃ garva garai। kauna vibhīṣana raṃka nisācara, hari haṃsi chatra dharai॥ raṃkava kauna sudāmāhū teṃ, āpu samāna karai। adhama kauna hai ajāmīla teṃ, jama tahaṃ jāta ḍarai॥ kauna birakta adhika nārada teṃ, nisi dina bhramata phirai। adhika kurūpa kauna kubijā teṃ, hari pati pāi tarai॥ adhika surūpa kauna sītā teṃ, janama viyoga bharai। jogī kauna baḍa़o saṃkara teṃ, tākoṃ kāma charai॥ yaha gati mati jānai nahiṃ koū, kihiṃ rasa rasika ḍharai। sūradāsa, bhagavanta bhajana binu, phiri-phiri jaṭhara jarai॥
