jasoda hari palanaim jhulavai
Krishna Bhajan
जसोदा हरि पालनैं झुलावै।
हलरावै दुलरावै मल्हावै जोइ सोइ कछु गावै॥
मेरे लाल को आउ निंदरिया काहें न आनि सुवावै।
तू काहै नहिं बेगहिं आवै तोकौं कान्ह बुलावै॥
कबहुं पलक हरि मूंदि लेत हैं कबहुं अधर फरकावैं।
सोवत जानि मौन ह्वै कै रहि करि करि सैन बतावै॥
इहि अंतर अकुलाइ उठे हरि जसुमति मधुरैं गावै।
जो सुख सूर अमर मुनि दुरलभ सो नंद भामिनि पावै॥
jasodā hari pālanaiṃ jhulāvai।
halarāvai dularāvai malhāvai joi soi kachu gāvai॥
mere lāla ko āu niṃdariyā kāheṃ na āni suvāvai।
tū kāhai nahiṃ begahiṃ āvai tokauṃ kānha bulāvai॥
kabahuṃ palaka hari mūṃdi leta haiṃ kabahuṃ adhara pharakāvaiṃ।
sovata jāni mauna hvai kai rahi kari kari saina batāvai॥
ihi aṃtara akulāi uṭhe hari jasumati madhuraiṃ gāvai।
jo sukha sūra amara muni duralabha so naṃda bhāmini pāvai॥
