jasoda, tero bhalo hiyo hai mai
Krishna Bhajan
जसोदा, तेरो भलो हियो है माई। कमलनयन माखन के कारन बांधे ऊखल लाई॥ जो संपदा दैव मुनि दुर्लभ सपनेहुं दई न दिखाई। याही तें तू गरब भुलानी घर बैठें निधि पाई॥ सुत काहू कौ रोवत देखति दौरि लेति हिय लाई। अब अपने घर के लरिका पै इती कहा जड़ताई॥ बारंबार सजल लोचन ह्वै चितवत कुंवर कन्हाई। कहा करौं, बलि जाउं, छोरती तेरी सौंह दिवाई॥ जो मूरति जल-थल में व्यापक निगम न खोजत पाई। सोई महरि अपने आंगन में दै-दै चुटकि नचाई॥ सुर पालक सब असुर संहारक त्रिभुवन जाहि डराई। सूरदास, प्रभु की यह लीला निगम नेति नित गई॥
jasodā, tero bhalo hiyo hai māī। kamalanayana mākhana ke kārana bāṃdhe ūkhala lāī॥ jo saṃpadā daiva muni durlabha sapanehuṃ daī na dikhāī। yāhī teṃ tū garaba bhulānī ghara baiṭheṃ nidhi pāī॥ suta kāhū kau rovata dekhati dauri leti hiya lāī। aba apane ghara ke larikā pai itī kahā jaḍa़tāī॥ bāraṃbāra sajala locana hvai citavata kuṃvara kanhāī। kahā karauṃ, bali jāuṃ, choratī terī sauṃha divāī॥ jo mūrati jala-thala meṃ vyāpaka nigama na khojata pāī। soī mahari apane āṃgana meṃ dai-dai cuṭaki nacāī॥ sura pālaka saba asura saṃhāraka tribhuvana jāhi ḍarāī। sūradāsa, prabhu kī yaha līlā nigama neti nita gaī॥
