kahiyau, namda kathora bhaye
Krishna Bhajan
कहियौ, नंद कठोर भये। हम दोउ बीरैं डारि परघरै, मानो थाती सौंपि गये॥ तनक-तनक तैं पालि बड़े किये, बहुतै सुख दिखराये। गो चारन कों चालत हमारे पीछे कोसक धाये॥ ये बसुदेव देवकी हमसों कहत आपने जाये। बहुरि बिधाता जसुमतिजू के हमहिं न गोद खिलाये॥ कौन काज यहि राजनगरि कौ, सब सुख सों सुख पाये। सूरदास, ब्रज समाधान करु, आजु-काल्हि हम आये॥
kahiyau, naṃda kaṭhora bhaye। hama dou bīraiṃ ḍāri paragharai, māno thātī sauṃpi gaye॥ tanaka-tanaka taiṃ pāli baḍa़e kiye, bahutai sukha dikharāye। go cārana koṃ cālata hamāre pīche kosaka dhāye॥ ye basudeva devakī hamasoṃ kahata āpane jāye। bahuri bidhātā jasumatijū ke hamahiṃ na goda khilāye॥ kauna kāja yahi rājanagari kau, saba sukha soṃ sukha pāye। sūradāsa, braja samādhāna karu, āju-kālhi hama āye॥
