khelata nanda-angana govinda
Krishna Bhajan
खेलत नंद-आंगन गोविन्द। निरखि निरखि जसुमति सुख पावति बदन मनोहर चंद॥ कटि किंकिनी, कंठमनि की द्युति, लट मुकुता भरि माल। परम सुदेस कंठ के हरि नख,बिच बिच बज्र प्रवाल॥ करनि पहुंचियां, पग पैजनिया, रज-रंजित पटपीत। घुटुरनि चलत अजिर में बिहरत मुखमंडित नवनीत॥ सूर विचित्र कान्ह की बानिक, कहति नहीं बनि आवै। बालदसा अवलोकि सकल मुनि जोग बिरति बिसरावै॥
khelata naṃda-āṃgana govinda। nirakhi nirakhi jasumati sukha pāvati badana manohara caṃda॥ kaṭi kiṃkinī, kaṃṭhamani kī dyuti, laṭa mukutā bhari māla। parama sudesa kaṃṭha ke hari nakha,bica bica bajra pravāla॥ karani pahuṃciyāṃ, paga paijaniyā, raja-raṃjita paṭapīta। ghuṭurani calata ajira meṃ biharata mukhamaṃḍita navanīta॥ sūra vicitra kānha kī bānika, kahati nahīṃ bani āvai। bāladasā avaloki sakala muni joga birati bisarāvai॥
