mana tosom kotika bara kahin
Krishna Bhajan
मन तोसों कोटिक बार कहीं। समुझि न चरन गहे गोविन्द के, उर अघ-सूल सही॥ सुमिरन ध्यान कथा हरिजू की, यह एकौ न रही। लोभी लंपट विषयनि सों हित, यौं तेरी निबही॥ छांड़ि कनक मनि रत्न अमोलक, कांच की किरच गही। ऐसो तू है चतुर बिबेकी, पय तजि पियत महीं॥ ब्रह्मादिक रुद्रादिक रबिससि देखे सुर सबहीं। सूरदास, भगवन्त-भजन बिनु, सुख तिहुं लोक नहीं॥
mana tosoṃ koṭika bāra kahīṃ। samujhi na carana gahe govinda ke, ura agha-sūla sahī॥ sumirana dhyāna kathā harijū kī, yaha ekau na rahī। lobhī laṃpaṭa viṣayani soṃ hita, yauṃ terī nibahī॥ chāṃḍa़i kanaka mani ratna amolaka, kāṃca kī kiraca gahī। aiso tū hai catura bibekī, paya taji piyata mahīṃ॥ brahmādika rudrādika rabisasi dekhe sura sabahīṃ। sūradāsa, bhagavanta-bhajana binu, sukha tihuṃ loka nahīṃ॥
