meri mai, hathi balagobinda
Krishna Bhajan
मेरी माई, हठी बालगोबिन्दा। अपने कर गहि गगन बतावत, खेलन कों मांगै चंदा॥ बासन के जल धर्यौ, जसोदा हरि कों आनि दिखावै। रुदन करत ढ़ूढ़ै नहिं पावत,धरनि चंद क्यों आवै॥ दूध दही पकवान मिठाई, जो कछु मांगु मेरे छौना। भौंरा चकरी लाल पाट कौ, लेडुवा मांगु खिलौना॥ जोइ जोइ मांगु सोइ-सोइ दूंगी, बिरुझै क्यों नंद नंदा। सूरदास, बलि जाइ जसोमति मति मांगे यह चंदा॥
merī māī, haṭhī bālagobindā। apane kara gahi gagana batāvata, khelana koṃ māṃgai caṃdā॥ bāsana ke jala dharyau, jasodā hari koṃ āni dikhāvai। rudana karata ḍha़ūḍha़ai nahiṃ pāvata,dharani caṃda kyoṃ āvai॥ dūdha dahī pakavāna miṭhāī, jo kachu māṃgu mere chaunā। bhauṃrā cakarī lāla pāṭa kau, leḍuvā māṃgu khilaunā॥ joi joi māṃgu soi-soi dūṃgī, birujhai kyoṃ naṃda naṃdā। sūradāsa, bali jāi jasomati mati māṃge yaha caṃdā॥
