mero kanha kamaladalalocana
Krishna Bhajan
मेरो कान्ह कमलदललोचन। अब की बेर बहुरि फिरि आवहु, कहा लगे जिय सोचन॥ यह लालसा होति हिय मेरे, बैठी देखति रैहौं॥ गाइ चरावन कान्ह कुंवर सों भूलि न कबहूं कैहौं॥ करत अन्याय न कबहुं बरजिहौं, अरु माखन की चोरी। अपने जियत नैन भरि देखौं, हरि हलधर की जोरी॥ एक बेर ह्वै जाहु यहां लौं, मेरे ललन कन्हैया। चारि दिवसहीं पहुनई कीजौ, तलफति तेरी मैया॥
mero kānha kamaladalalocana। aba kī bera bahuri phiri āvahu, kahā lage jiya socana॥ yaha lālasā hoti hiya mere, baiṭhī dekhati raihauṃ॥ gāi carāvana kānha kuṃvara soṃ bhūli na kabahūṃ kaihauṃ॥ karata anyāya na kabahuṃ barajihauṃ, aru mākhana kī corī। apane jiyata naina bhari dekhauṃ, hari haladhara kī jorī॥ eka bera hvai jāhu yahāṃ lauṃ, mere lalana kanhaiyā। cāri divasahīṃ pahunaī kījau, talaphati terī maiyā॥
