neka chalo nandarani
Krishna Bhajan
नेक चलो नंदरानी उहां लगी नेक चलो नंदारानी ॥ध्रु०॥ देखो आपने सुतकी करनी दूध मिलावत पानी ॥उ०॥१॥ हमरे शिरकी नयी चुनरिया ले गोरसमें सानी ॥उ०॥२॥ हमरे उनके करन बाद है हम देखावत जबानी ॥उ०॥३॥ तुमरे कुलकी ऐशी बतीया सो हमारे सब जानी ॥उ०॥४॥ पिता तुमारे कंस घर बांधे आप कहावत दानी ॥उ०॥५॥ यह व्रजको बसवो हम त्यागो आप रहो राजधानी ॥उ०॥६॥ सूरदास उखर उखरकी बरखा थोर जल उतरानी ॥उ०॥७॥
neka calo naṃdarānī uhāṃ lagī neka calo naṃdārānī ॥dhru0॥ dekho āpane sutakī karanī dūdha milāvata pānī ॥u0॥1॥ hamare śirakī nayī cunariyā le gorasameṃ sānī ॥u0॥2॥ hamare unake karana bāda hai hama dekhāvata jabānī ॥u0॥3॥ tumare kulakī aiśī batīyā so hamāre saba jānī ॥u0॥4॥ pitā tumāre kaṃsa ghara bāṃdhe āpa kahāvata dānī ॥u0॥5॥ yaha vrajako basavo hama tyāgo āpa raho rājadhānī ॥u0॥6॥ sūradāsa ukhara ukharakī barakhā thora jala utarānī ॥u0॥7॥
