prabhu, haum saba patitana kau raja
Krishna Bhajan
प्रभु, हौं सब पतितन कौ राजा। परनिंदा मुख पूरि रह्यौ जग, यह निसान नित बाजा॥ तृस्ना देसरु सुभट मनोरथ, इंद्रिय खड्ग हमारे। मंत्री काम कुमत दैबे कों, क्रोध रहत प्रतिहारे॥ गज अहंकार चढ्यौ दिगविजयी, लोभ छ्त्र धरि सीस॥ फौज असत संगति की मेरी, ऐसो हौं मैं ईस। मोह मदै बंदी गुन गावत , मागध दोष अपार॥ सूर, पाप कौ गढ दृढ़ कीने, मुहकम लाय किंवार॥
prabhu, hauṃ saba patitana kau rājā। paraniṃdā mukha pūri rahyau jaga, yaha nisāna nita bājā॥ tṛsnā desaru subhaṭa manoratha, iṃdriya khaḍga hamāre। maṃtrī kāma kumata daibe koṃ, krodha rahata pratihāre॥ gaja ahaṃkāra caḍhyau digavijayī, lobha chtra dhari sīsa॥ phauja asata saṃgati kī merī, aiso hauṃ maiṃ īsa। moha madai baṃdī guna gāvata , māgadha doṣa apāra॥ sūra, pāpa kau gaḍha dṛḍha़ kīne, muhakama lāya kiṃvāra॥
