sachi kaho manamohana
Krishna Bhajan
साची कहो मनमोहन मोसों तो खेलों तुम संग होरी । आज की रेन कहा रहे मोहन कहां करी बरजोरी ॥१॥ मुख पर पीक पीठिपर कंकन हिये हार बिन डोरि । जिय में ओर उपर कछु औरे चाल चलत अछु औरि ॥२॥ मोहि बतावति मोहन नागर कहा मोहि जानत भोरी । भोर भये आये हो मोहन बात कहति कछु जोरी ॥३॥ सूरदास प्रभु ऐसी न कीजे आय मिलो कहा चोरी । मन माने त्यों करति नंदसुत अब आई है होरी ॥४॥
sācī kaho manamohana mosoṃ to kheloṃ tuma saṃga horī । āja kī rena kahā rahe mohana kahāṃ karī barajorī ॥1॥ mukha para pīka pīṭhipara kaṃkana hiye hāra bina ḍori । jiya meṃ ora upara kachu aure cāla calata achu auri ॥2॥ mohi batāvati mohana nāgara kahā mohi jānata bhorī । bhora bhaye āye ho mohana bāta kahati kachu jorī ॥3॥ sūradāsa prabhu aisī na kīje āya milo kahā corī । mana māne tyoṃ karati naṃdasuta aba āī hai horī ॥4॥
