sakala sukha ke karana
Krishna Bhajan
सकल सुख के कारन भजि मन नंद नंदन चरन। परम पंकज अति मनोहर सकल सुख के करन॥ सनक संकर ध्यान धारत निगम आगम बरन। सेस सारद रिषय नारद संत चिंतन सरन॥ पद-पराग प्रताप दुर्लभ रमा कौ हित करन। परसि गंगा भई पावन तिहूं पुर धन घरन॥ चित्त चिंतन करत जग अघ हरत तारन तरन। गए तरि लै नाम केते पतित हरि-पुर धरन॥ जासु पद रज परस गौतम नारि गति उद्धरन। जासु महिमा प्रगति केवट धोइ पग सिर धरन॥ कृष्न पद मकरंद पावन और नहिं सरबरन। सूर भजि चरनार बिंदनि मिटै जीवन मरन॥
sakala sukha ke kārana bhaji mana naṃda naṃdana carana। parama paṃkaja ati manohara sakala sukha ke karana॥ sanaka saṃkara dhyāna dhārata nigama āgama barana। sesa sārada riṣaya nārada saṃta ciṃtana sarana॥ pada-parāga pratāpa durlabha ramā kau hita karana। parasi gaṃgā bhaī pāvana tihūṃ pura dhana gharana॥ citta ciṃtana karata jaga agha harata tārana tarana। gae tari lai nāma kete patita hari-pura dharana॥ jāsu pada raja parasa gautama nāri gati uddharana। jāsu mahimā pragati kevaṭa dhoi paga sira dharana॥ kṛṣna pada makaraṃda pāvana aura nahiṃ sarabarana। sūra bhaji caranāra biṃdani miṭai jīvana marana॥
