Sandesho devaki sau kahiyo
Krishna Bhajan
संदेसो दैवकी सों कहियौ। `हौं तौ धाय तिहारे सुत की, मया करति नित रहियौ॥ जदपि टेव जानति तुम उनकी, तऊ मोहिं कहि आवे। प्रातहिं उठत तुम्हारे कान्हहिं माखन-रोटी भावै॥ तेल उबटनों अरु तातो जल देखत हीं भजि जाते। जोइ-जोइ मांगत सोइ-सोइ देती, क्रम-क्रम करिकैं न्हाते॥ सुर, पथिक सुनि, मोहिं रैनि-दिन बढ्यौ रहत उर सोच। मेरो अलक लडैतो मोहन ह्वै है करत संकोच॥
saṃdeso daivakī soṃ kahiyau। `hauṃ tau dhāya tihāre suta kī, mayā karati nita rahiyau॥ jadapi ṭeva jānati tuma unakī, taū mohiṃ kahi āve। prātahiṃ uṭhata tumhāre kānhahiṃ mākhana-roṭī bhāvai॥ tela ubaṭanoṃ aru tāto jala dekhata hīṃ bhaji jāte। joi-joi māṃgata soi-soi detī, krama-krama karikaiṃ nhāte॥ sura, pathika suni, mohiṃ raini-dina baḍhyau rahata ura soca। mero alaka laḍaito mohana hvai hai karata saṃkoca॥
