brah.ma Logoपरिवर्तनं भव

Loading...

Background

savare moku rang me bori bori

0
0

Change Bhasha

सावरे मोकु रंगमें बोरी बोरी सांवरे मोकुं रंगमें बोरी बोरी ॥ध्रु०॥ बहीयां पकर कर शीरकी गागरिया । छिन गागर ढोरी । रंगमें रस बस मोकूं किनी । डारी गुलालनकी झोरी । गावत लागे मुखसे होरी ॥सा०॥१॥ आयो अचानक मिले मंदिरमें । देखत नवल किशोरी । धरी भूजा मोकुं पकरी जीवनने बलजोरे । माला मोतियनकी तोरी ॥सा०॥२॥ तब मोरे जोर कछु न चालो । बात कठीन सुनाई । तबसे उनकु नेन दिखायो मत जानो मोकूं मोरी । जानु तोरे चितकी चोरी ॥सा०॥३॥ मरजादा हमेरी कछु न राखी कंचुबोकी कसतोरी । सूरदास प्रभु तुमारे मिलनकू मोकूं रंगमें बोरी । गईती मैं नंदजीकी पोरी ॥सा०॥४॥

Buy Latest Products

Built in Kashi for the World

ॐ सर्वे भवन्तु सुखिनः