tajau man, hari bimukhani ke sang
Krishna Bhajan
तजौ मन, हरि बिमुखनि कौ संग। जिनकै संग कुमति उपजति है, परत भजन में भंग। कहा होत पय पान कराएं, बिष नही तजत भुजंग। कागहिं कहा कपूर चुगाएं, स्वान न्हवाएं गंग। खर कौ कहा अरगजा-लेपन, मरकट भूषण अंग। गज कौं कहा सरित अन्हवाएं, बहुरि धरै वह ढंग। पाहन पतित बान नहिं बेधत, रीतौ करत निषंग। सूरदास कारी कमरि पै, चढत न दूजौ रंग।
tajau mana, hari bimukhani kau saṃga। jinakai saṃga kumati upajati hai, parata bhajana meṃ bhaṃga। kahā hota paya pāna karāeṃ, biṣa nahī tajata bhujaṃga। kāgahiṃ kahā kapūra cugāeṃ, svāna nhavāeṃ gaṃga। khara kau kahā aragajā-lepana, marakaṭa bhūṣaṇa aṃga। gaja kauṃ kahā sarita anhavāeṃ, bahuri dharai vaha ḍhaṃga। pāhana patita bāna nahiṃ bedhata, rītau karata niṣaṃga। sūradāsa kārī kamari pai, caḍhata na dūjau raṃga।
