udho, hohu iham taim nyare
Krishna Bhajan
ऊधो, होहु इहां तैं न्यारे। तुमहिं देखि तन अधिक तपत है, अरु नयननि के तारे॥ अपनो जोग सैंति किन राखत, इहां देत कत डारे। तुम्हरे हित अपने मुख करिहैं, मीठे तें नहिं खारे॥ हम गिरिधर के नाम गुननि बस, और काहि उर धारे। सूरदास, हम सबै एकमत तुम सब खोटे कारे॥
ūdho, hohu ihāṃ taiṃ nyāre। tumahiṃ dekhi tana adhika tapata hai, aru nayanani ke tāre॥ apano joga saiṃti kina rākhata, ihāṃ deta kata ḍāre। tumhare hita apane mukha karihaiṃ, mīṭhe teṃ nahiṃ khāre॥ hama giridhara ke nāma gunani basa, aura kāhi ura dhāre। sūradāsa, hama sabai ekamata tuma saba khoṭe kāre॥
