upama hari tanu dekhi lajani
Krishna Bhajan
उपमा हरि तनु देखि लजानी। कोउ जल मैं कोउ बननि रहीं दुरि कोउ कोउ गगन समानी॥ मुख निरखत ससि गयौ अंबर कौं तडि़त दसन-छबि हेरि। मीन कमल कर चरन नयन डर जल मैं कियौ बसेरि॥ भुजा देखि अहिराज लजाने बिबरनि पैठे धाइ। कटि निरखत केहरि डर मान्यौ बन-बन रहे दुराइ॥ गारी देहिं कबिनि कैं बरनत श्रीअंग पटतर देत। सूरदास हमकौं सरमावत नाउं हमारौ लेत॥
upamā hari tanu dekhi lajānī। kou jala maiṃ kou banani rahīṃ duri kou kou gagana samānī॥ mukha nirakhata sasi gayau aṃbara kauṃ taḍi़ta dasana-chabi heri। mīna kamala kara carana nayana ḍara jala maiṃ kiyau baseri॥ bhujā dekhi ahirāja lajāne bibarani paiṭhe dhāi। kaṭi nirakhata kehari ḍara mānyau bana-bana rahe durāi॥ gārī dehiṃ kabini kaiṃ baranata śrīaṃga paṭatara deta। sūradāsa hamakauṃ saramāvata nāuṃ hamārau leta॥
