श्री भैरव सङ्कट हरन, मंगल करन कृपालु। करहु दया जि दास पे, निशिदिन दीनदयालु॥
जय डमरूधर नयन विशाला। श्याम वर्ण, वपु महा कराला॥
jaya ḍamarūdhara nayana viśālā| śyāma varṇa, vapu mahā karālā||
जय त्रिशूलधर जय डमरूधर। काशी कोतवाल, संकटहर॥
jaya triśūladhara jaya ḍamarūdhara| kāśī kotavāla, saṁkaṭahara||
जय गिरिजासुत परमकृपाला। संकटहरण हरहु भ्रमजाला॥
jaya girijāsuta paramakṛpālā| saṁkaṭaharaṇa harahu bhramajālā||
जयति बटुक भैरव भयहारी। जयति काल भैरव बलधारी॥
jayati baṭuka bhairava bhayahārī| jayati kāla bhairava baladhārī||
अष्टरूप तुम्हरे सब गायें। सकल एक ते एक सिवाये॥
aṣṭarūpa tumhare saba gāyeṁ| sakala eka te eka sivāye||
शिवस्वरूप शिव के अनुगामी। गणाधीश तुम सबके स्वामी॥
śivasvarūpa śiva ke anugāmī| gaṇādhīśa tuma sabake svāmī||
जटाजूट पर मुकुट सुहावै। भालचन्द्र अति शोभा पावै॥
jaṭājūṭa para mukuṭa suhāvai| bhālacandra ati śobhā pāvai||
कटि करधनी घुँघरू बाजै। दर्शन करत सकल भय भाजै॥
kaṭi karadhanī ghum̐gharū bājai| darśana karata sakala bhaya bhājai||
कर त्रिशूल डमरू अति सुन्दर। मोरपंख को चंवर मनोहर॥
kara triśūla ḍamarū ati sundara| morapaṁkha ko caṁvara manohara||
खप्पर खड्ग लिये बलवाना। रूप चतुर्भुज नाथ बखाना॥
khappara khaḍga liye balavānā| rūpa caturbhuja nātha bakhānā||
वाहन श्वान सदा सुखरासी। तुम अनन्त प्रभु तुम अविनाशी॥
vāhana śvāna sadā sukharāsī| tuma ananta prabhu tuma avināśī||
जय जय जय भैरव भय भंजन। जय कृपालु भक्तन मनरंजन॥
jaya jaya jaya bhairava bhaya bhaṁjana| jaya kṛpālu bhaktana manaraṁjana||
नयन विशाल लाल अति भारी। रक्तवर्ण तुम अहहु पुरारी॥
nayana viśāla lāla ati bhārī| raktavarṇa tuma ahahu purārī||
बं बं बं बोलत दिनराती। शिव कहँ भजहु असुर आराती॥
baṁ baṁ baṁ bolata dinarātī| śiva kaham̐ bhajahu asura ārātī||
एकरूप तुम शम्भु कहाये। दूजे भैरव रूप बनाये॥
ekarūpa tuma śambhu kahāye| dūje bhairava rūpa banāye||
सेवक तुमहिं तुमहिं प्रभु स्वामी। सब जग के तुम अन्तर्यामी॥
sevaka tumahiṁ tumahiṁ prabhu svāmī| saba jaga ke tuma antaryāmī||
रक्तवर्ण वपु अहहि तुम्हारा। श्यामवर्ण कहुं होई प्रचारा॥
raktavarṇa vapu ahahi tumhārā| śyāmavarṇa kahuṁ hoī pracārā||
श्वेतवर्ण पुनि कहा बखानी। तीनि वर्ण तुम्हरे गुणखानी॥
śvetavarṇa puni kahā bakhānī| tīni varṇa tumhare guṇakhānī||
तीनि नयन प्रभु परम सुहावहिं। सुरनर मुनि सब ध्यान लगावहिं॥
tīni nayana prabhu parama suhāvahiṁ| suranara muni saba dhyāna lagāvahiṁ||
व्याघ्र चर्मधर तुम जग स्वामी। प्रेतनाथ तुम पूर्ण अकामी॥
vyāghra carmadhara tuma jaga svāmī| pretanātha tuma pūrṇa akāmī||
चक्रनाथ नकुलेश प्रचण्डा। निमिष दिगम्बर कीरति चण्डा॥
cakranātha nakuleśa pracaṇḍā| nimiṣa digambara kīrati caṇḍā||
क्रोधवत्स भूतेश कालधर। चक्रतुण्ड दशबाहु व्यालधर॥
krodhavatsa bhūteśa kāladhara| cakratuṇḍa daśabāhu vyāladhara||
अहहिं कोटि प्रभु नाम तुम्हारे। जयत सदा मेटत दुःख भारे॥
ahahiṁ koṭi prabhu nāma tumhāre| jayata sadā meṭata duḥkha bhāre||
चौंसठ योगिनी नाचहिं संगा। क्रोधवान तुम अति रणरंगा॥
cauṁsaṭha yoginī nācahiṁ saṁgā| krodhavāna tuma ati raṇaraṁgā||
भूतनाथ तुम परम पुनीता। तुम भविष्य तुम अहहू अतीता॥
bhūtanātha tuma parama punītā| tuma bhaviṣya tuma ahahū atītā||
वर्तमान तुम्हरो शुचि रूपा। कालजयी तुम परम अनूपा॥
vartamāna tumharo śuci rūpā| kālajayī tuma parama anūpā||
ऐलादी को संकट टार्यो। साद भक्त को कारज सारयो॥
ailādī ko saṁkaṭa ṭāryo| sāda bhakta ko kāraja sārayo||
कालीपुत्र कहावहु नाथा। तव चरणन नावहुं नित माथा॥
kālīputra kahāvahu nāthā| tava caraṇana nāvahuṁ nita māthā||
श्री क्रोधेश कृपा विस्तारहु। दीन जानि मोहि पार उतारहु॥
śrī krodheśa kṛpā vistārahu| dīna jāni mohi pāra utārahu||
भवसागर बूढत दिनराती। होहु कृपालु दुष्ट आराती॥
bhavasāgara būḍhata dinarātī| hohu kṛpālu duṣṭa ārātī||
सेवक जानि कृपा प्रभु कीजै। मोहिं भगति अपनी अब दीजै॥
sevaka jāni kṛpā prabhu kījai| mohiṁ bhagati apanī aba dījai||
करहुँ सदा भैरव की सेवा। तुम समान दूजो को देवा॥
karahum̐ sadā bhairava kī sevā| tuma samāna dūjo ko devā||
अश्वनाथ तुम परम मनोहर। दुष्टन कहँ प्रभु अहहु भयंकर॥
aśvanātha tuma parama manohara| duṣṭana kaham̐ prabhu ahahu bhayaṁkara||
तम्हरो दास जहाँ जो होई। ताकहँ संकट परै न कोई॥
tamharo dāsa jahām̐ jo hoī| tākaham̐ saṁkaṭa parai na koī||
हरहु नाथ तुम जन की पीरा। तुम समान प्रभु को बलवीरा॥
harahu nātha tuma jana kī pīrā| tuma samāna prabhu ko balavīrā||
सब अपराध क्षमा करि दीजै। दीन जानि आपुन मोहिं कीजै॥
saba aparādha kṣamā kari dījai| dīna jāni āpuna mohiṁ kījai||
जो यह पाठ करे चालीसा। तापै कृपा करहु जगदीशा॥
jo yaha pāṭha kare cālīsā| tāpai kṛpā karahu jagadīśā||