ह्रीं श्रीं क्लीं मेधा प्रभा, जीवन ज्योति प्रचण्ड। शान्ति कान्ति जागृत प्रगति, रचना शक्ति अखण्ड॥ जगत जननी मङ्गल करनि, गायत्री सुखधाम। प्रणवों सावित्री स्वधा, स्वाहा पूरन काम॥
भूर्भुवः स्वः ॐ युत जननी। गायत्री नित कलिमल दहनी॥
bhūrbhuvaḥ svaḥ oṁ yuta jananī| gāyatrī nita kalimala dahanī||
अक्षर चौविस परम पुनीता। इनमें बसें शास्त्र श्रुति गीता॥
akṣara cauvisa parama punītā| inameṁ baseṁ śāstra śruti gītā||
शाश्वत सतोगुणी सत रूपा। सत्य सनातन सुधा अनूपा॥
śāśvata satoguṇī sata rūpā| satya sanātana sudhā anūpā||
हंसारूढ सिताम्बर धारी। स्वर्ण कान्ति शुचि गगन-बिहारी॥
haṁsārūḍha sitāmbara dhārī| svarṇa kānti śuci gagana-bihārī||
पुस्तक पुष्प कमण्डलु माला। शुभ्र वर्ण तनु नयन विशाला॥
pustaka puṣpa kamaṇḍalu mālā| śubhra varṇa tanu nayana viśālā||
ध्यान धरत पुलकित हित होई। सुख उपजत दुःख दुर्मति खोई॥
dhyāna dharata pulakita hita hoī| sukha upajata duḥkha durmati khoī||
कामधेनु तुम सुर तरु छाया। निराकार की अद्भुत माया॥
kāmadhenu tuma sura taru chāyā| nirākāra kī adbhuta māyā||
तुम्हरी शरण गहै जो कोई। तरै सकल संकट सों सोई॥
tumharī śaraṇa gahai jo koī| tarai sakala saṁkaṭa soṁ soī||
सरस्वती लक्ष्मी तुम काली। दिपै तुम्हारी ज्योति निराली॥
sarasvatī lakṣmī tuma kālī| dipai tumhārī jyoti nirālī||
तुम्हरी महिमा पार न पावैं। जो शारद शत मुख गुन गावैं॥
tumharī mahimā pāra na pāvaiṁ| jo śārada śata mukha guna gāvaiṁ||
चार वेद की मात पुनीता। तुम ब्रह्माणी गौरी सीता॥
cāra veda kī māta punītā| tuma brahmāṇī gaurī sītā||
महामन्त्र जितने जग माहीं। कोउ गायत्री सम नाहीं॥
mahāmantra jitane jaga māhīṁ| kou gāyatrī sama nāhīṁ||
सुमिरत हिय में ज्ञान प्रकासै। आलस पाप अविद्या नासै॥
sumirata hiya meṁ jñāna prakāsai| ālasa pāpa avidyā nāsai||
सृष्टि बीज जग जननि भवानी। कालरात्रि वरदा कल्याणी॥
sṛṣṭi bīja jaga janani bhavānī| kālarātri varadā kalyāṇī||
ब्रह्मा विष्णु रुद्र सुर जेते। तुम सों पावें सुरता तेते॥
brahmā viṣṇu rudra sura jete| tuma soṁ pāveṁ suratā tete||
तुम भक्तन की भक्त तुम्हारे। जननिहिं पुत्र प्राण ते प्यारे॥
tuma bhaktana kī bhakta tumhāre| jananihiṁ putra prāṇa te pyāre||
महिमा अपरम्पार तुम्हारी। जय जय जय त्रिपदा भयहारी॥
mahimā aparampāra tumhārī| jaya jaya jaya tripadā bhayahārī||
पूरित सकल ज्ञान विज्ञाना। तुम सम अधिक न जगमे आना॥
pūrita sakala jñāna vijñānā| tuma sama adhika na jagame ānā||
तुमहिं जानि कछु रहै न शेषा। तुमहिं पाय कछु रहै न कलेशा॥
tumahiṁ jāni kachu rahai na śeṣā| tumahiṁ pāya kachu rahai na kaleśā||
जानत तुमहिं तुमहिं व्है जाई। पारस परसि कुधातु सुहाई॥
jānata tumahiṁ tumahiṁ vhai jāī| pārasa parasi kudhātu suhāī||
तुम्हरी शक्ति दिपै सब ठाई। माता तुम सब ठौर समाई॥
tumharī śakti dipai saba ṭhāī| mātā tuma saba ṭhaura samāī||
ग्रह नक्षत्र ब्रह्माण्ड घनेरे। सब गतिवान तुम्हारे प्रेरे॥
graha nakṣatra brahmāṇḍa ghanere| saba gativāna tumhāre prere||
सकल सृष्टि की प्राण विधाता। पालक पोषक नाशक त्राता॥
sakala sṛṣṭi kī prāṇa vidhātā| pālaka poṣaka nāśaka trātā||
मातेश्वरी दया व्रत धारी। तुम सन तरे पातकी भारी॥
māteśvarī dayā vrata dhārī| tuma sana tare pātakī bhārī||
जापर कृपा तुम्हारी होई। तापर कृपा करें सब कोई॥
jāpara kṛpā tumhārī hoī| tāpara kṛpā kareṁ saba koī||
मन्द बुद्धि ते बुधि बल पावें। रोगी रोग रहित हो जावें॥
manda buddhi te budhi bala pāveṁ| rogī roga rahita ho jāveṁ||
दरिद्र मिटै कटै सब पीरा। नाशै दुःख हरै भव भीरा॥
daridra miṭai kaṭai saba pīrā| nāśai duḥkha harai bhava bhīrā||
गृह क्लेश चित चिन्ता भारी। नासै गायत्री भय हारी॥
gṛha kleśa cita cintā bhārī| nāsai gāyatrī bhaya hārī||
सन्तति हीन सुसन्तति पावें। सुख संपति युत मोद मनावें॥
santati hīna susantati pāveṁ| sukha saṁpati yuta moda manāveṁ||
भूत पिशाच सबै भय खावें। यम के दूत निकट नहिं आवें॥
bhūta piśāca sabai bhaya khāveṁ| yama ke dūta nikaṭa nahiṁ āveṁ||
जो सधवा सुमिरें चित लाई। अछत सुहाग सदा सुखदाई॥
jo sadhavā sumireṁ cita lāī| achata suhāga sadā sukhadāī||
घर वर सुख प्रद लहैं कुमारी। विधवा रहें सत्य व्रत धारी॥
ghara vara sukha prada lahaiṁ kumārī| vidhavā raheṁ satya vrata dhārī||
जयति जयति जगदम्ब भवानी। तुम सम ओर दयालु न दानी॥
jayati jayati jagadamba bhavānī| tuma sama ora dayālu na dānī||
जो सतगुरु सो दीक्षा पावे। सो साधन को सफल बनावे॥
jo sataguru so dīkṣā pāve| so sādhana ko saphala banāve||
सुमिरन करे सुरूचि बडभागी। लहै मनोरथ गृही विरागी॥
sumirana kare surūci baḍabhāgī| lahai manoratha gṛhī virāgī||
अष्ट सिद्धि नवनिधि की दाता। सब समर्थ गायत्री माता॥
aṣṭa siddhi navanidhi kī dātā| saba samartha gāyatrī mātā||
ऋषि मुनि यती तपस्वी योगी। आरत अर्थी चिन्तित भोगी॥
ṛṣi muni yatī tapasvī yogī| ārata arthī cintita bhogī||
जो जो शरण तुम्हारी आवें। सो सो मन वांछित फल पावें॥
jo jo śaraṇa tumhārī āveṁ| so so mana vāṁchita phala pāveṁ||
बल बुधि विद्या शील स्वभाउ। धन वैभव यश तेज उछाउ॥
bala budhi vidyā śīla svabhāu| dhana vaibhava yaśa teja uchāu||
सकल बढें उपजें सुख नाना। जे यह पाठ करै धरि ध्याना॥
sakala baḍheṁ upajeṁ sukha nānā| je yaha pāṭha karai dhari dhyānā||