Shree Hanuman Chalisa

॥ दोहा॥


श्री गुरु चरण सरोज रज


निज मन मुकुर सुधार |


बरनउँ रघुवर बिमल जसु


जो दायक फल चारि |


बुद्धिहीन तनु जानि के


सुमिरौं पवन कुमार |


बल बुद्धि विद्या देहु मोहि


हरहु कलेश विकार |

॥ चौपाई ॥


जय हनुमान ज्ञान गुन सागर ।

जय कपीश तिहुँ लोक उजागर ॥


राम दूत अतुलित बल धामा ।

अंजनि-पुत्र पवनसुत नामा ॥


महावीर विक्रम बजरंगी ।

कुमति निवार सुमति के संगी ॥


कंचन वरन विराज सुबेसा ।

कानन कुण्डल कुंचित केशा ॥


हाथ वज्र औ ध्वजा विराजै ।

काँधे मूँज जनेउ साजै ॥


शंकर सुवन केसरीनन्दन ।

तेज प्रताप महा जग वन्दन ॥


विद्यावान गुणी अति चातुर ।

राम काज करिबे को आतुर ॥


प्रभु चरित्र सुनिबे को रसिया ।

राम लखन सीता मन बसिया ॥


सूक्ष्म रूप धरि सियहिं दिखावा ।

विकट रूप धरि लंक जरावा ॥


भीम रूप धरि असुर सँहारे ।

रामचन्द्र के काज सँवारे ॥


लाय संजीवन लखन जियाये ।

श्रीरघुवीर हरषि उर लाये ॥


रघुपति कीन्ही बहुत बड़ाई ।

तुम मम प्रिय भरतहि सम भाई ॥


सहस्त्र बदन तुम्हरो जस गावैं ।

अस कहि श्रीपति कण्ठ लगावैं ॥

सनकादिक ब्रह्मादि मुनीसा ।

नारद सारद सहित अहीसा ॥


यम कुबेर दिगपाल जहाँ ते ।

कवि कोविद कहि सके कहाँ ते ॥


तुम उपकार सुग्रीवहिं कीन्हा ।

राम मिलाय राज पद दीन्हा ॥


तुम्हरो मन्त्र विभीषण माना ।

लंकेश्वर भए सब जग जाना ॥


युग सहस्र योजन पर भानु ।

लील्यो ताहि मधुर फल जानू ॥


प्रभु मुद्रिका मेलि मुख माहीं ।

जलधि लाँघि गये अचरज नाहीं ॥


दुर्गम काज जगत के जेते ।

सुगम अनुग्रह तुम्हरे तेते ॥


राम दुआरे तुम रखवारे ।

होत न आज्ञा बिनु पैसारे ॥


सब सुख लहै तुम्हारी शरणा ।

तुम रक्षक काहू को डर ना ॥


आपन तेज सम्हारो आपै ।

तीनों लोक हाँकतें काँपै ॥


भूत पिसाच निकट नहिं आवै ।

महावीर जब नाम सुनावै ॥


नासै रोग हरै सब पीड़ा ।

जपत निरन्तर हनुमत वीरा ॥


संकट तें हनुमान छुड़ावै ।

मन क्रम वचन ध्यान जो लावै ॥


सब पर राम तपस्वी राजा ।

तिन के काज सकल तुम साजा ॥


और मनोरथ जो कोई लावै ।

सोई अमित जीवन फल पावै ॥


चारों युग परताप तुम्हारा ।

है प्रसिद्ध जगत उजियारा ॥


साधु सन्त के तुम रखवारे ।

असुर निकन्दन राम दुलारे ॥


अष्टसिद्धि नौ निधि के दाता ।

असवर दीन्हीं जानकी माता ॥


राम रसायन तुम्हरे पासा ।

सदा रहो रघुपति के दासा ॥


तुम्हरे भजन राम को भावै ।

जनम जनम के दुख बिसरावै ॥


अन्त काल रघुवर पुर जाई ।

जहाँ जन्म हरिभक्त कहाई ॥


और देवता चित्त न धरई ।

हनुमत सेइ सर्व सुख करई ॥


संकट कटै मिटै सब पीरा ।

जो सुमिरै हनुमत बलवीरा ॥


जय जय जय हनुमान गोसाईं ।

कृपा करहु गुरुदेव की नाईं ॥


जो सत बार पाठ कर कोई ।

छूटहि बन्दि महा सुख होई ॥


जो यह पढ़ै हनुमान चालीसा ।

होय सिद्धि साखी गौरीशा ॥


तुलसीदास सदा हरि चेरा ।

कीजै नाथ हृदय महँ डेरा ॥


॥ दोहा ॥

पवन तनय संकट हरन

मंगल मूरति रूप ।


राम लखन सीता सहित

हृदय बसहु सुर भूप ॥


॥ इति श्री हनुमान चालीसा ॥

卐 Shree Hanuman Chalisa 卐


॥ Doha॥


Shri Guru Charan Saroj Raj,

Nij Man Mukuru Sudhaar।


Barnau Raghubar Bimal Jasu,

Jo Daayak Phal Chaar॥


Buddhiheen Tanu Jaanike,

Sumirau Pavan-Kumaar।


Bal Buddhi Vidya Dehu Mohi,

Harahu Kalesh Vikaar॥

॥ Chaupai ॥


Jai Hanuman Gyaan Gun Sagar।

Jai Kapis Teehun Lok Ujaagar॥


Ram Doot Atulit Bal Dhama।

Anjani-Putra Pavansut Nama॥


Mahavir Bikram Bajrangi।

Kumati Nivaar Sumati Ke Sangi॥


Kanchan Varan Viraaj Subesa।

Kaanan Kundal Kunchit Kesha॥


Haath Bajra Aau Dhwaja Biraaje।

Kaandhe Moonj Janeu Saaje॥


Sankar Suvan Kesarinandan।

Tej Prataap Maha Jag Bandan॥


Vidyabaan Guni Ati Chaatur।

Ram Kaaj Karibe Ko Aatur॥


Prabhu Charitra Sunibe Ko Rasiya।

Ram Lakhan Sita Man Basiya॥


Sukshma Roop Dhari Siyahin Dikhawa।

Vikat Roop Dhari Lanka Jarawa॥


Bheem Roop Dhari Asur Sanhaare।

Ramchandra Ke Kaaj Sanwaare॥


Laaye Sajivan Lakhan Jiyaaye।

Shri Raghubeer Harashi Ur Laaye॥


Raghupati Keenhi Bahut Badai।

Tum Mam Priy Bharat Hi Sam Bhai॥


Sahas Badan Tumhro Jas Gaavein।

As Kahi Shripati Kanth Lagavein॥


Sankadik Bramhadi Munisha।

Narad Sarad Sahit Ahisa॥


Yam Kuber Digpaal Jahan Te।

Kavi Kobid Kahi Sake Kahaan Te॥


Tum Upkaar Sugreevhin Kinha।

Ram Milaaye Raajpad Dinha॥


Tumhro Mantra Vibhishan Maana।

Lankeswar Bhaye Sab Jag Jana॥

Yug Sahastra Jojan Par Bhaanu।

Lilyo Taahi Madhur Phal Jaanu॥


Prabhu Mudrika Meli Mukh Maahi।

Jaldhi Laanghi Gaye Achraj Naahi॥


Durgam Kaaj Jagat Ke Jete।

Sugam Anugraha Tumhre Tete॥


Ram Dooare Tum Rakhwaare।

Hoat Na Aagya Binu Paisare॥


Sab Sukh Lahai Tumhari Sharna।

Tum Rakhshak Kaahu Ko Darna॥


Aapan Tej Samharo Aapai।

Teeno Lok Haank Te Kaanpen॥


Bhoot Pisaach Nikat Nahi Aave।

Mahabir Jab Naam Sunave॥


Naasai Rog Harai Sab Peera।

Japat Nirantar Hanumat Beera॥


Sankat Te Hanuman Chhoodave।

Man Krama Vachan Dhyaan Jo Laave॥


Sab Par Raam Tapasvi Raja।

Tin Ke Kaaj Sakal Tum Saaja॥


Aur Manorath Jo Koi Laave।

Soi Amit Jivan Phal Paave॥


Chaaro Yug Partaap Tumhara।

Hai Parsiddh Jagat Ujiyara॥


Saadhu Sant Ke Tum Rakhwaare।

Asur Nikandan Ram Dulaare॥


Asht Siddhi Nau Nidhi Ke Daata।

As Var Deenhi Janki Maata॥


Ram Rasayan Tumhre Paasa।

Sada Raho Raghupati Ke Daasa॥


Tumhre Bhajan Ram Ko Bhaave।

Janam Janam Ke Dukh Bisraave॥


Antakaal Raghubar Pur Jaayee।

Jahan Janam Hari-Bhakt Kahayee॥


Aur Devta Chitt Na Dharayi।

Hanumat Sei Sarb Sukh Karayi॥


Sankat Kate Mite Sab Peera।

Jo Sumirai Hanumat Balbira॥


Jai Jai Jai Hanuman Gosaai।

Kripa Karahun Gurudev Ki Naai॥


Jo Sat Baar Paath Kar Koi।

Chhootahin Bandi Maha Sukh Hoyi॥


Jo Yah Padhe Hanuman Chalisa।

Hoye Siddhi Saakhi Gaurisa॥


Tulsidas Sada Harichera।

Kije Naath Hridaya Mahn Dera॥

॥ Doha ॥


Pavantanaye Sankat Haran,

Mangal Moorati Roop।


Ram Lakhan Sita Sahit

Hridaya Basahu Soor Bhoop॥


॥ It’s Shree Hanuman Chalisa॥